محکمہ بلدیات نے پشاور کو چھ حصوں میں تقسیم کردیا ، اعلامیہ جاری

تفصیلات کے مطابق سیکرٹری لوکل کونسل بورڈخضرحیات خان کا کہنا ہے کہ پشاورکاساراشہری علاقہ کیپیٹل میٹروپولیٹن گورنمنٹ کہلائے گا، کیپیٹل میٹروپولیٹن گورنمنٹ میں ٹاؤن ون،تھری اورسٹی ڈسٹرکٹ گورنمنٹ شامل ہے، کیپیٹل میٹرو پولیٹن گورنمنٹ خودمختیارادارہ اورسربراہ کاعہدہ ڈائریکٹرجنرل ہوگا۔

سیکرٹری ایل سی بی  کے مطابق  ٹاؤن ون کاسربراہ ڈائریکٹرایسٹ اورٹاؤن تھری کاسربراہ ڈائریکٹرویسٹ ہوگا، سٹی ڈسٹرکٹ گورنمنٹ کاسربراہ ڈائریکٹرکوارڈینیشن کہلائے گا،ٹاؤن ٹوکوٹی ایم اے شاہ عالم،ٹی ایم اے چمکنی اورٹی ایم اے متھراتقسیم کردیاگیا، ٹاؤن فورکوٹی ایم اے پشتخرہ اورٹی ایم اے بڈھ بیرمیں تقسیم کیاگیاہے۔

سیکرٹری ایل سی بی کا کہنا ہے کہ   ایف آرپشاورحسن خیل کوبھی پشاورمیں شامل کرلیاگیاہے، نئے ٹی ایم ایز کوسی کیٹیگری میں شامل کیاگیاہے، عملہ واثاثہ جات کی تقسیم کیلئے سٹاف اینڈ ایسڈزڈسٹی بیوشن کمیٹی بھی تشکیل دیدی گئی، سٹاف اینڈ ایسڈزڈسٹی بیوشن کمیٹی کے چیئرمین ڈپٹی کمشنرپشاورہونگے، تمام ٹی ایم ایزیکم جولائی سے نئے مالی سال کے آغازسے باقاعدہ کام شروع کرینگے۔