بیرسٹر گوہر نے بانی چیئرمین کے منظور کردہ فوکل پرسنز کا اعلان کر دیا

چیئرمین پاکستان تحریک انصاف (پی ٹی آئی) بیرسٹر گوہر علی خان نے بانی چیئرمین عمران خان کے منظور کردہ فوکل پرسنز کا اعلان کردیا۔

سوشل میڈیا پلیٹ فارم ایکس پر اپنے ٹویٹ میں بیرسٹر گوہر نے کہا کہ عمران خان نے انہیں اور سینیٹر شبلی فراز کو نیا فوکل پرسن مقرر کر دیا ہے۔

بانی چیئرمین پاکستان تحریک انصاف عمران نے میرے ساتھ سینیٹرشبلی فراز، عمر ایوب خان، انتظار حسین پنجوتھہ اور سینیٹر علی ظفر کو نئے فوکل پرسنز کے طور پر تعینات کیا ہے۔

— Barrister Gohar Khan (@BarristerGohar) April 4, 2024

اس کے علاوہ عمر ایوب خان، انتظار حسین پنجوتھا اور سینیٹر علی ظفر کو بھی نیا فوکل پرسن مقرر کیا گیا ہے۔

خیال رہے کہ اس سے قبل عمران خان نے 30 مارچ کو جیل میں ملاقاتوں کے لیے 3 فوکل پرسن مقرر کیے تھے جن میں بیرسٹر گوہر، شیر افضل مروت، بیرسٹر عمیر نیازی شامل تھے۔

ہر فوکل پرسن جیل میں ملاقاتوں کے لیے دو نام دے گا۔ دوروں کی اجازت ہفتے میں دو دن یعنی منگل کو فیملی اور جمعرات کو وکلاء اور دیگر سے ملاقات کی اجازت ہوگی۔