ججز کو دھمکی آمیز خطوط ملنے کی تفتیشی رپورٹ وزارت داخلہ کو ارسال

وزارت داخلہ کو اعلی عدلیہ کے ججز کو دھمکی آمیز خطوط ملنے کی تفتیشی رپورٹ ارسال کردی گئی۔

ججز کو موصول خطوط کی رپورٹ وفاقی پولیس کی جانب سے وزرات داخلہ کو بھجوائی گئی ۔2اپریل کوہائی کورٹ کے  8ججز کو مشکوک خطوط ملے۔ 3،4اور 5اپریل کو سپریم کورٹ کے ججز کو بھی خط موصول ہوئے۔ معاملے الگ الگ دو مقدمات درج کئے جا چکے ہیں۔

خط پر آرسینک پاؤڈر پایا گیا جس کی مقدار زہریلی نہیں تھی۔ آرسینک جن جن پنسار سے ملتا ہے ان کا بھی ڈیٹا اکٹھا کر لیا گیا ہے۔تفتیشی ٹیمیں ان تمام دکانوں کے دورے کر رہی ہیں۔سی ٹی ڈی کی دو ٹیمیں راولپنڈی اور اسلام آباد کے لئے بنائی گئی ہیں۔

سی سی ٹی وی فوٹیج اور خط بھیجنے والوں کے نام نادرا کو بھجوا دئیے گئے۔ لفافوں پر تحریر اور سیاہی کو تجزیہ کے لئے ایکسپرٹ کو بھجوا دیا گیا۔ خط پر لگائی جانیوالی  پوسٹل سٹیمپ کا بھی تجزیہ کیا جارہا ہے۔

معاملے کی تحقیقات کے لیے خصوصی کمیٹی تشکیل دیے جانے کا امکان ہے، کمیٹی میں میں حساس اداروں کے افسران شامل ہوں گے، کمیٹی میں ایم آئی، آئی بی اور آئی ایس آئی کا ایک ایک نمائندہ شامل ہوگا۔

حساس ادارے کے افسران پولیس اور سی ٹی ڈی کی تحقیقاتی ٹیم کی معاونت کریں گے۔