آئِی ایم ایف نئے قرض پروگرام پر راضی، وفد آئندہ ماہ پاکستان آئے گا

نئے قرض پروگرام پر مذاکرات کرنے کیلئے آئی ایم ایف وفد آئندہ ماہ پاکستان پہنچے گا۔

ذرائع کے مطابق عالمی مالیاتی فنڈ (آئی ایم ایف) نے پاکستان کی 6 سے 8 ارب ڈالر کی بیل آئوٹ پیکیج کی درخواست منظور کر لی۔ آئی ایم ایف کا مشن مذاکرات کے لئے آئندہ ماہ پاکستان پہنچے گا جو نئے قرض پروگرام کا جائزہ لے گا۔

وزارت خزانہ کے ذرائع کا کہنا ہےپاکستان کی جانب سے آئی ایم ایف کو 2 درخواستیں دی گئیں،ایکسٹینڈڈ فنڈ فیسلیٹی کی درخواست منظور ہوئی۔

 دوسری درخواست پر مشن دورہ پاکستان کے دوران جائزہ لے گا، ایکسٹنڈڈ فنڈ فیسلیٹی کے تحت پاکستان تقریبا 6 سے 8 ارب ڈالر قرض لے سکے گا۔

وفاقی وزیر خزانہ محمد اورنگزیب نے واشنگٹن میں چینی میڈیا سے گفتگو کرتے ہوئے کہا کہ اقتصادی استحکام ٹیکس نیٹ بڑھانے اور معاشی اصلاحاتی مشن پر گامزن ہیں۔