روس کے نائب وزیر دفاع کرپشن کے الزامات پر گرفتار

روس کے نائب وزیر دفاع تیمور ایوانوف کو رشوت لینے کے شبہ میں گرفتار کرکے تحقیقات شروع کر دیں گئیں۔اس حوالے سے روس کے صدر ولادیمیر پوٹن کو مطلع کر دیا گیا۔
غیر ملکی میڈیا کے مطابق تیمور ایوانوف پر یوکرین کے ماریوپول میں تعمیراتی منصوبوں میں کرپشن کے الزامات عائد کئے گئے ہیں۔ اعلیٰ عہدیدار کی گرفتاری یوکرین میں جارحیت کے دوران ایک غیر معمولی اقدام ہے۔
روسی حکام کی جانب سے روس کے نائب وزیر دفاع تیمور ایوانوف کی رشوت سے متعلق زیادہ تفصیلات سے آگاہ نہیں کیا۔ 
میڈیا رپورٹس کے مطابق روسی فیڈریشن کے نائب وزیر دفاع تیمورایوانوف کو ضابطہ فوجداری کے آرٹیکل 290 کے سیکشن 6 کے تحت جرم کرنے کے شبے میں حراست میں لیا گیا ہے۔