علی سدپارہ نے کے ٹو سر کر کے تاریخ رقم کر دی

تفصیلات کے مطابق  علی سدپارہ کی ٹیم کے ہمراہ آئس لینڈ اور چیلی کے کوہ پیماوں نے بھی کےٹو سر کر لیا، تینوں کوہ پیماوں 6 بجے  انتہائی  بلندی پر پہنچےاورکوہ پیما انتہائی بلندی پر صرف 8 منٹ روکے،کمیونکشن سسٹم سردی کے باعث منجمد ہو گیا تھا۔

وزیر اعلی گلگت بلتستان خالد خورشید نے اپنے پیغام میں کہا کہ دنیا کی دوسری چوٹی پر قومی پرچم لہرا کر علی سدپارہ نے قوم کا سر فخر سے بلند کیا،علی سدپارہ نے پوری دنیا میں پاکستان کا نام روشن کیا،علی سدپارہ جیسے باجرات اور محنتی نوجوان قوم کا سرمایہ ہے،صوبائی حکومت علی سدپارہ جیسے باہمت نوجوانوں کی ہر سطح پر حوصلہ افزائی کرئے گی،سیاحتی مہم جوئی سے وابستہ نوجوانوں کو بہترین تربیت اور مواقع دیں گے۔

خیال رہے کہ کےٹو کو پہلی بار موسم سرما کے دوران سر کرنے والے کوہ پیماوں کی تعداد 13 ہوگی ہے اور گزشتہ تین روز کے دوران 30 غیر ملکی کوہ پیماوں نے کے ٹو سر کرنے کی کوشش کی،26 کوہ پیما راستے سے ناکام واپس لوٹے تھے۔‎قبل ازیں10 نیپالی کوہ پیماوں نے 16 جنوری کو کے ٹو سر کیا تھا۔علی سدپارہ کو موسم سرما میں ننگا پربت سر کرنے والے پہلے عالمی کوہ پیما ہونے کا بھی اعزاز حاصل ہے۔