سونا مسلسل چوتھے روز ہزاروں روپے سستا ، فی تولہ کتنے کا ہو گیا؟

کراچی: عالمی و مقامی مارکیٹوں میں سونے کی قیمت میں مسلسل چوتھے روز نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روز ملک میں فی تولہ سونے کی قیمت میں 3ہزار 400روپے کی کمی ریکارڈ کی گئی ہے جس کے بعد سونے کی نئی قیمت 5لاکھ 33ہزار 762روپے کی سطح پر آگئی۔

ایسوسی ایشن کے مطابق اسی طرح دس گرام سونے کی قیمت 2 ہزار 915روپےکم ہو کر 4لاکھ 57ہزار 614روپے کی سطح پر آگئی۔

علاوہ ازاں ملک میں فی تولہ چاندی کی قیمت 104 روپے کے اضافے کے ساتھ 8ہزار 914 روپے جبکہ فی دس گرام چاندی کی قیمت 89روپے اضافے کے ساتھ 7ہزار 642روپے کی سطح پر آگئی۔

دوسری جانب عالمی بلین مارکیٹ میں فی اونس سونے کی قیمت 34ڈالر کی کمی سے 5ہزار 110ڈالر کی سطح پر آگئی۔

واضح رہے کہ گزشتہ روز  عالمی مارکیٹ میں فی اونس سونا 28 ڈالر سستا ہوکر 5144 ڈالر پر آ گیاتھاجبکہ پاکستان میں فی تولہ سونا 2800 روپے سستا ہوکر 537162 روپے کاہوگیاتھا،