وزیر اعظم کا آذری صدر الہام علیوف سے ٹیلیفونک رابطہ،ڈرون حملوں کی شدید مذمت

اسلام آباد:وزیر اعظم محمد شہباز شریف اور آذربائیجان کے صدرالہام علیوف کے درمیان ٹیلی فونک رابطہ ہوا۔ وزیراعظم نے آذربائیجان کےعلاقے ناخچیوان پر ڈرون حملوں کی شدید مذمت کی جس میں معصوم شہریوں کو نشانہ بنایا گیا۔

انہوں نے مکمل یکجہتی کااظہار کرتے ہوئےصدرالہام علیوف کو یقین دلایا کہ پاکستان اس مشکل وقت میں آذربائیجان کے برادر عوام کے ساتھ ہے۔

وزیرِ اعظم نےآذربائیجان کے صدر کو ایران اور خلیج میں جاری بحران کے حوالے سے پاکستان کی سفارتی کوششوں سے آگاہ کیا۔

دوسری جانب صدرالہام علیوف نے ٹیلی فونک رابطے پر وزیراعظم محمد شہبازشریف کا شکریہ ادا کرتے ہوئے مشکل وقت میں پاکستانی عوام کے یکجہتی اور حمایت کے جذبات کو سراہا۔

صدر الہام علیوف نے پاکستان اورآذربائیجان کی قیادت نے خطے میں کشیدگی میں کمی اور امن کی بحالی کی ضرورت پر زور دیا اور رابطے میں رہنے پر اتفاق کیا۔