عدالت نے 190 ملین پاؤنڈ ریفرنس میں بشریٰ بی بی کو گرفتارکرکے آئندہ سماعت پر پیش کرنے کا حکم دیدیا۔

احتساب عدالت کے جج ناصرجاوید رانا ںے اڈیالہ جیل میں ریفرنس کی سماعت کی، بشری بی بی آج بھی عدالت پیش نہ ہوئی، عدالت نے وارنٹ گرفتاری پرعملدرآمد کیلئے نوٹس دوبارہ جاری کر دیئے۔

واضح رہے کہ ملزموں کی جانب سے آج بھی 342کے سوالناموں پرجواب داخل نہ کروائے گئے۔

تاہم عدالت نے بشریٰ بی بی کو گرفتارکرکے آئندہ سماعت پر پیش کرنے کا حکم دے دیا۔ بعدازاں 190 ملین پاؤنڈ ریفرنس کیس کی سماعت 9 دسمبر تک ملتوی کردی گئی۔

 جمیعت علماء اسلام (جے یو آئی) کے رہنما مولانا عبد الغفور حیدری نے حکومت کو مدارس بل پر 8 دسمبر تک دستخط کرنے کی ڈیڈ لائن دی ہے، ان کا کہنا ہے کہ اگر بل پر دستخط نہ ہوئے تو ہم اسلام آباد کا رخ کریں گے۔
مولانا حیدری کا مزید کہنا تھا کہ بل منظور کر کے روکا گیا، یہ بدنیتی ہے، ہمیں بلاول بھٹو کی جانب سے  بھی یقین دہانی کرائی گئی تھی کہ صدرسے بات کر کے بل منظور کرائیں گے۔
واضح رہے کہ اس سے قبل جے یو آئی کے سربراہ مولانا فضل الرحمان نے بھی مدارس بل کی منظوری نہ ہونے کی صورت میں اسلام آباد جانے کا اعلان کیا تھا۔

ایلیفورنیا: امریکی ریاست کیلیفورنیا میں زلزلے کے جھٹکوں کے بعد لوگ خوفزدہ ہو کر گھروں سے باہر نکل آئے۔

امریکی زلزلہ پیما مرکز کے مطابق زلزلے کی شدت 7.0 تھی جب کہ گہرائی 10 کلومیٹر ریکارڈ کی گئی اور زلزلے کا مرکز جنوب مغربی کیلیفورنیا تھا۔

امریکی حکام نے زلزلے کے ساتھ کیلیفورنیا اور جنوبی اوریگون کے ساحلی علاقوں کے لیے سونامی کی وارننگ جاری کردی۔ سونامی کی وارننگ بعد میں واپس لے لی گئی لیکن آفٹر شاکس کا سلسلہ جاری رہا۔

میڈیا رپورٹس کے مطابق سونامی کی وارننگ کے بعد لوگوں کی بڑی تعداد محفوظ مقامات پر منتقل ہونے لگی جس کے باعث سڑکوں پر ٹریفک جام ہوگیا۔

غیر ملکی میڈیا کے مطابق زلزلے کے بعد متاثرہ علاقوں میں بجلی کا نظام جزوی طور پر معطل ہوگیا جس سے 10 ہزار سے زائد افراد متاثر ہوئے۔

امریکی پاور آؤٹج ٹریکنگ ویب سائٹ کے مطابق زلزلے کے بعد کیلیفورنیا کے ساحلی علاقے کے 99 ہزار صارفین میں سے 10 فیصد بجلی سے محروم ہو گئے۔

کیلیفورنیا اسٹیٹ کے سینیٹر مائیک میک گائیر نے کہا کہ امدادی ٹیمیں ہنگامی کارروائیوں کے لیے روانہ کر دی گئی ہیں اور وہ ہمبولڈ اور ڈیل نورٹ کاؤنٹیز کے متاثرہ علاقوں میں مقامی ریسکیو اہلکاروں کے ساتھ امدادی سرگرمیوں میں حصہ لیں گی۔

کیلیفورنیا کے گورنر گیون نیوزوم نے کہا کہ ریاستی ہنگامی حکام سے ملاقاتیں جاری ہیں، اور ریاستی سطح پر امدادی سرگرمیوں کے لیے ایک آپریشن سینٹر قائم کیا گیا ہے۔

واضح رہے کہ امریکی میڈیا کے مطابق زلزلے سے ہونے والے نقصانات یا ہلاکتوں کے اعداد و شمار جمع کیے جا رہے ہیں اور تاحال کسی جانی یا مالی نقصان کی کوئی اطلاع موصول نہیں ہوئی۔