بانی پی ٹی آئی کو ویڈیو سے متعلق کوئی علم نہیں، علی محمد خان

پاکستان تحریک انصاف کے رہنما اور رکن قومی اسمبلی علی محمد خان نے کہا ہے کہ بانی پی ٹی آئی کے خلاف اور کیسز تیار کیے جارہے ہیں، عمران خان کو ایکس پر جاری ویڈیو بارے کوئی علم نہیں ہے۔

میڈیا سے گفتگو کرتے ہوئے محمد علی خان نے کہا کہ عمران خان کے ایکس ہینڈل سے متنازع ٹویٹ بارے پارٹی کی کور کمیٹی کا اجلاس آج بلایا ہے، کور کمیٹی فیصلہ کرے گی کہ بانی پی ٹی آئی کے اکاؤنٹ سے شیئر ہونے والا مواد کس طرح کنٹرول ہو گا۔ اجلاس میں مضبوب فیصلے کئے جائیں گے اور جو غلط فہمی ہوئی ہے وہ آئندہ سے نہیں ہو گی۔

پی ٹی آئی رہنما کاکہنا تھا کہ آئندہ سے عمران خان کے ایکس اکاؤنٹ سے کوئی بھی مواد ان کے علم میں لانے کے بعد شیئر کیا جائے گا۔ عمران خان اور جماعت کا نقطہ بڑا واضح ہے ک 1971 میں کیا ہوا، کس نے کیا یہ اس کا وقت نہیں اور نہ ہی اس پر بات کرنی ہے۔

انہوں نے کہا کہ ہمارا نقطہ سیاسی ہے، بانی پی ٹی آئی عمران خان نے کل سپریم کورٹ میں اپنا مؤقف پیش کیا،بانی پی ٹی آئی نے وکلاء کے ساتھ مشاورت کی اجازت مانگی ہے،  رؤف حسن نے کل واضح کیا بانی پی ٹی آئی کو اس ویڈیو سے متعلق کوئی علم نہیں۔ بانی چیئرمین کا موقف واضح ہے کہ ملک بھی میرا ہے اور فوج بھی میری ہے۔

پی ٹی آئی رہنما نے کہاکہ حکومت کو ہم حکومت نہیں مانتے،بانی پی ٹی آئی نے ہمیشہ ملک کا وقار مدنظر رکھا،ہمارے وکلاء پر دہشتگردی کے مقدمات درج کیے گئے ہیں۔