کراچی میں پی ٹی آئی کو جلسے کی اجازت نہ دینے پر افسران کی طلبی

توہین عدالت، پی ٹی آئی کو باغ جناح میں جلسے کی اجازت نہ دینے کے معاملے پر عدالت نے ڈی سی ایس اور ایس ایس پی ایسٹ کو ذاتی حیثیت میں طلب کرلیا۔

جمعہ کو سندھ ہائی کورٹ نے پی ٹی آئی کو جلسے کی اجازت نہ دینے کے معاملے پر دائر کی جانے والی توہینِ عدالت کی درخواست کی سماعت کی۔فاضل عدالت نے ڈی سی ایسٹ اور ایس ایس پی ایسٹ کو توہینِ عدالت کے نوٹس جاری کرتے ہوئے دونوں اعلیٰ افسران کو 5 جون کو طلب کیا گیا ہے۔

دوسری طرف اسلام آباد کی  ضلعی انتظامیہ نے پی ٹی آئی کو جلسے کی مشروط اجازت دے دی۔

ڈپٹی کمشنر اسلام آباد نے عدالتی حکم پر پی ٹی آئی کو 39 شرائط کے ساتھ جلسے کی اجازت دی جس کیلئے باقاعدہ این او سی بھی جاری کردیا گیا ہے۔این او سی کی شرائط کے مطابق جلسہ مقررہ وقت پر ختم کرنا ہوگا اور جلسے میں ریاست کے خلاف نعرے یا تقریر کی اجازت نہیں ہوگی۔

اس کے علاوہ کسی قسم کی ہلڑ بازی اور سرکاری املاک کو نقصان پہنچانے کی اجازت نہیں ہوگی جب کہ سکیورٹی کی ذمہ داری تحریک انصاف پر عائد ہوگی۔

واضح رہے پی ٹی آئی کی جانب سے 8 جون کو اسلام آباد میں جلسے کی اجازت مانگی گئی تھی جس پر ڈپٹی کمشنر نے پی ٹی آئی کی درخواست پر فیصلہ کرکے ہائیکورٹ کو آگاہ کردیا۔