گورنر سندھ طیارہ حادثے سے بال بال بچ گئے، ہنگامی لینڈنگ

گورنر سندھ کامران ٹیسوری طیارے حادثے میں بال بال بچ گئے۔ متعدد مسافر محفوظ رہے۔فلائی جناح کی کراچی سے اسلام آباد جانے والی پرواز کے طیارے کی کراچی ایئرپورٹ پر ہنگامی لینڈنگ ہوئی ہے۔

ذرائع کے مطابق پرواز میں گورنر سندھ کامران ٹیسوری اور ان کی فیملی سمیت 150 افرادسوار تھے۔ کراچی میں فلائی جناح کا طیارہ لینڈنگ کے وقت حادثے سے بال بال بچ گیا۔ جہاز میں خواتین اور بچے بھی تھے۔ تمام مسافروں نے اللہ تعالیٰ کے حضور سجدہ شکر ادا کیا۔

گورنرسندھ کامران ٹیسوری کاکہنا  پائلٹ کے مطابق اللہ نے سب کو نئی زندگی دی ۔

فلائی جناح کے طیارے میں اچانک اڑان بھرنے کے فوری بعد تکنیکی خرابی پیدا ہوئی۔ کپتان نے کراچی ایئر ٹریفک کنٹرول سے فوری واپس کراچی ہنگامی لینڈنگ کی اجازت طلب کی۔

یاد رہے کہ فلائی جناح کے اسی طیارے میں گزشتہ 2 ہفتوں میں تکنیکی خرابی کے باعث کئی بار ہنگامی لینڈنگ کی ہے۔

ذرائع سول ایوی ایشن (سی اے اے) کے مطابق پرواز کی ہنگامی لینڈنگ کے بعد اسے منسوخ کردیا گیا، پرواز 25 منٹ تک اڑان بھرتے ہوئے نوابشاہ کی فضائی حدود میں پہنچی تو طیارے میں اچانک تکنیکی خرابی ہوئی۔