174 پروازوں کے ذریعے بیالیس ہزار عازمین حج سعودی عرب پہنچ چکے

پاکستانی عازمین حج کی سعودی عرب آمد کا سلسلہ جاری ہے۔

ذرائع کے مطابق  اب تک 174 پروازوں کے ذریعے 42763 عازمین حج سعودی عرب پہنچ چکے ہیں۔

آئندہ دس روز میں 27342 سے زائد عازمین حج کی مکہ پہنچنے کی توقع ہے۔

پاکستان حج مشن سرکاری حج سکیم کے تحت سترہزار سے زائد عازمین اور نجی حج سکیم کے تحت 80ہزار نو سو عازمین حج کی میزبانی کرے گا۔ مدینہ میں 32900عازمین ریاض الجنة پر حاضری کی سعادت حاصل کی۔

پاکستان حج مشن نے عازمین حج کو بہترین طبی سہولیات فراہم کرنے کی غرض سے دومرکزی ہسپتال اور بارہ ڈسپنسریاں قائم کی ہیں۔اس کے علاوہ تین سو نوے حج معاونین سفر، رہائش اور خوراک کی سہولتوں کی فراہمی کے ذریعے عازمین کی خدمت کر رہے ہیں۔

 پاکستان حج مشن ملک میں روزانہ کی بنیاد پر آگاہی پروگرام کا انعقاد کرتا ہے تاکہ معاونین دوران حج بہتر خدمات فراہم کر سکیں۔اس مشق کا مقصد معاونین کو ضروری معلومات، راستوں اور رہائش گاہوں کی تفصیلات سے آگاہ کرنا ہے تاکہ حج کے ایام میں وہ حجاج کی رہنمائی کر سکیں۔