کوئٹہ : کوئلے کی کان میں زہریلی گیس بھرنے سے 11 مزدور جاں بحق 

کوئلے کی کان میں گیس بھرنے سے 11 افراد جاں بحق 

کوئٹہ: سنجدی کوئلے کی کان میں کام کے دوران زہریلی گیس کے بھرنے سے مزدوروں کا دم گھٹ گیا ، دم گھٹنے اور زہریلی گیس کے پھیلنے کے باعث 11 مزدور جاں بحق ہو گئے ۔  

تفصیلات کے مطابق کوئلے کی کان میں کام کے دوران گیس لیکیج کا واقعہ پیش آیا، جس سے کان کے اندر گیس بھر گئی اور کان میں موجود افراد کی ہلاکت ہو گئی۔
مائنز مینیجر کے مطابق کوئٹہ کے علاقے سنجدی کی کوئلہ کان میں جاں بحق ہونے والے تمام مزدوروں کا تعلق سوات سے تھا۔
جاں بحق ہونے والوں میں نو مزدوروں سمیت ایک مائن مینیجر اور ایک ٹھیکے دار بھی شامل ہے۔ 
چیف مائنز انسپکٹر کے مطابق جاں بحق افراد کے نماز جنازے کے بعد میتوں کو ان کے آبائی علاقوں کی طرف روانہ کر دیا جائے گا۔