ملک کے بالائی اور وسطی حصوں میں کل سے مغربی ہواؤں کا سلسلہ داخل ہوگا ، محکمہ موسمیات

محکمہ موسمیات کے مطابق ملک کے بالائی اور وسطی حصوں میں کل سے مغربی ہواؤں کا سلسلہ داخل ہوگا اور بعض مقامات پر بارش کا امکان ہے جس سے گرمی کی شدید لہر میں کمی ہوگی۔

محکمہ موسمیات کے مطابق یہ موسمی نظام جمعہ تک برقراررہنے کا امکان ہے، اس نظام کے تحت ملک کے مختلف حصوں میں شدید بارشوں کے باعث مٹی کے تودے گرنے اور چٹانیں گرنے سے سڑکیں بند ہونے کا اندیشہ ہے ۔

اس کے علاوہ شدید بارش سے مقامی ندیوں اور نالوں میں شدید سیلاب آسکتا ہے ، آندھی ، طوفان اور ژالہ باری سے فصلوں اور کمزور عمارتوں کو نقصان پہنچ سکتا ہے۔

عوام کوہدایت کی گئی ہے کہ وہ بجلی کھمبوں ، سولرپینلز ، اشتہاری بورڈز اور زیر تعمیر عمارتوں سے دو رہیں۔

کوہ سیلمان اورکوہ کیر تھر کے ساتھ ساتھ ڈیرہ غازی خان اور راجن پور میں سیلابی ریلوں کا اندیشہ ہے ۔

سیاحوں کو ہدایت کی گئی ہے کہ وہ بارشوں کے اس سلسلے کے دوران چوکس رہیں اور سفر کرنے سے پہلے موسم کی صورتحال سے باخبر رہیں۔