وزیراعلیٰ پنجاب مریم نواز نے کسان کارڈ کی رجسٹریشن کا آغاز کر دیا

وزیراعلیٰ پنجاب مریم نواز نے کسان کارڈ کی رجسٹریشن کا آغاز کر دیا۔مریم نواز نے کہا ہے کہ کاشتکاروں کے لیے کسان کارڈ کا آغاز کر دیا گیا ہے۔

مریم نواز کاکہنا ہے کہ کاشتکاروں کی خوشحالی اور پیداوار میں اضافہ ہمارا عزم ہے۔

ایک بیان میں مریم نواز نے کہا کہ کسانوں کوسالانہ 300 ارب روپے کے قرضے دیے جائیں گے، ہر کسان ایک فصل کے لیے ڈیڑھ لاکھ روپے تک قرض حاصل کر سکے گا۔

انہوں نے کہا کہ کسان کارڈ سے کھاد، بیج اور دیگر اشیاء خرید سکے گا، 5 لاکھ کاشتکار کسان کارڈ سے مستفید ہوں گے۔

مریم نواز کا مزید کہنا ہے کہ ساڑھے 12 ایکڑ تک اراضی رکھنے والے کسان کارڈ رجسٹریشن کے اہل ہوں گے۔

ذرائع کے مطابق کسان کارڈ کے لئے زمین کا اراضی ریکارڈ سنٹر میں رجسٹرڈ ہونا اور کاشتکار کے اپنے شناختی کارڈ نمبر پرموبائل سم کا رجسٹرڈ ہونا لازم ہے۔ کاشتکار کے شناختی کارڈ کی نادرا ریکارڈ سے تصدیق کی جائیگی ۔

کاشتکار کسی مالیاتی ادارے کا نا دہندہ نہ ہو۔ کاشتکار بلاسود قرضے کی آسان اقساط 6ماہ میں واپس کرےگا۔ قرض کی ادائیگی کے بعد کسان  اگلی فصل کے لئے دوبارہ قرض حاصل کرنے کااہل ہوگا۔