ترکیہ میں فوجی تربیتی طیارہ  گر کر تباہ ، دونوں پائلٹ ہلاک

ترکیہ میں فوجی تربیتی طیارہ  گر کر تباہ ہو گیا ہے، جس میں سوار دو پائلٹ ہلاک ہو گئے۔

وزارت دفاع کے مطابق طیارے نے قیصری کے ایک فوجی اڈے سے تربیتی پرواز پر اڑان بھری لیکن بعد میں نامعلوم وجوہات کی بنا پر گر کر تباہ ہو گیا۔

ریاستی انادالو ایجنسی کی تصاویر کے مطابق، فائر فائٹرز، ریسکیورز اور پولیس جائے وقوع پر کام کر رہے تھے۔

شوشل میڈیا پلیٹ فارم ایکس پر ترکیہ کے وزیر داخلہ علی یرلیکایا نے اپنے ٹویٹ میں اس حادثے کا اعلان کرتے ہوئے کہا کہ ہماری ایئر فورس کمانڈ سے تعلق رکھنے والا ہمارا تربیتی طیارہ جس نے 12ویں ایئر ٹرانسپورٹ مین بیس کمانڈ سے ٹریننگ کے لیے ٹیک آف کیا تھا، حادثے میں تباہ ہو گیا تھا اور اس حادثے میں ہمارے 2 پائلٹ شہید ہو گئے تھے۔

اللہ ہمارے شہداء پر رحم فرمائے، میں ان کے اہل خانہ، ہماری بہادر فوج اور ہماری مقدس قوم سے تعزیت کرتا ہوں، ہمارے شہداء کے درجات بلند فرمائے۔