کلرکہار سالٹ رینج پر گیس باؤزراور گاڑی میں تصادم، 6 افرادجاں بحق

کلرکہار سالٹ رینج پر گیس باؤزر مخالف سمت سے آنے والی گاڑی سے ٹکراگیا۔

ترجمان موٹر وے پولیس نے بتایا کہ ابتدائی معلومات کے مطابق  بریک فیل ہونے کے باعث گیس باؤزر ڈیوائڈر توڑتا ہوا مخالف سمت سے آنے والی گاڑی سے ٹکراگیا، گاڑی میں ایک ہی خاندان کے چار افراد سوار تھے۔

موٹروے پولیس کے مطابق ٹکر کے بعد گیس باؤزر اور گاڑی گہری کھائی میں جاگرے، حادثے کی اطلاع ملتے ہی موٹروے پولیس اور  ریسکیو ٹیمیں جائے وقوعہ پر پہنچ گئیں۔

تصادم کے بعد آگ بھڑک اٹھی اور دونوں گاڑیوں کو اپنی لپیٹ میں لے لیا۔ باؤزر موٹروے ایم ٹو پر راولپنڈی سے فیصل آباد جا رہا تھا۔

موٹروے پولیس کے مطابق افسوسناک حادثے میں 6 افراد موقع پر ہی جاں بحق ہوگئے۔