گجرات: گھر میں آتشزدگی سے 3افراد جاں بحق

جی این  این کے مطابق گجرات کے علاقے موضع بابے دا لاھور میں شارٹ سرکٹ کے باعث  گھر میں  آگ لگ گئی جس کے نتیجے میں میاں، بیوی اور  بیٹی جھلس کر جاں بحق ہوگئے ۔ ماں باپ اور بیٹی تینوں ایک  ہی کمرے میں سوئے ہوئے تھے کہ آگ لگ گئی۔ واقعے کی اطلاع ملتے ہی ریسکیو موقع پر پہنچ گئی ۔ریسکیو کے مطابق  مرنے والوں میں 60سالہ نواز، 45سالہ عابدہ اور 18سالہ مریم شامل  ہیں ۔ ریسکیو اہلکاروں نے نعشوں کو لواحقین کے حوالے کر دیا جبکہ پولیس نے موقع پر  پہنچ کر تحقیقات شروع کر دیں ۔