صوبہ سندھ کے تمام سر کاری دفاتر کو جلد شمسی توانائی پر منتقل کریں گے ، وزیر اعلی سندھ

کراچی : سندھ کے وزیر اعلی سید مرا د علی شاہ نے صوبائی وزیر توانائی کو ہدایت کی ہے کہ وہ پورے صوبے میں دن کے اوقات میں سرکاری دفاتر کو شمسی توانائی پر منتقل کرنے کا کام جلد پایہ تکمیل تک پہنچائیں۔

انہوں نے  آج کراچی میں ایک اجلاس کی صدارت کرتے ہوئے کہا کہ تمام تر سرکاری سکولوں کو شمسی توانائی پر منتقل کر دیا جائے گا ۔

مراد علی شاہ نے کہا سرکاری عمارات کو شمسی توانائی پر منتقل کرنے سے بجلی کے اخراجات میں نمایاں کمی آئے گی۔

انہوں نے صوبائی وزیر توانائی ناصر شاہ کو نئے مالی سال سے شروع ہونے والے شمسی توانائی پر منتقلی کے منصوبے پر کام کی رفتار تیز کرنے کی ہدایت کی۔