رؤف حسن کے جسمانی ریمانڈ میں 3 روز کی توسیع

اسلام آباد: ڈسٹرکٹ اینڈ سیشن کورٹ اسلام آباد نے پاکستان تحریک انصاف کے رہنما رؤف حسن کا مزید 3 روز کا جسمانی ریمانڈ منظور کر لیا۔

رؤف حسن کو 2 روزہ جسمانی ریمانڈ مکمل ہونے پر عدالت میں پیش کیا گیا، ایف آئی اے کے تفتیشی افسرنے رؤف حسن سمیت دیگر ملزمان کے مزید جسمانی ریمانڈ کی استدعا کی۔

رؤف حسن کے جسمانی ریمانڈ میں توسیع!!#GNN #BreakingNews #NewsUpdates #GNN_Updates pic.twitter.com/pzOx3U4BwH

— GNN (@gnnhdofficial) July 25, 2024

ایف آئی اے پراسیکیوٹر نے عدالت کو بتایا کہملزم کے سوشل میڈیا اکاؤنٹس ابھی تک ریکور نہیں ہوئے ہیں اور ای میل اکاؤنٹس کی جانچ پڑتال بھی باقی ہے۔ انہوں نے یہ بھی بتایا کہ ملزمان کے موبائل سے سوشل میڈیا پر بنائے گئے جعلی اکاؤنٹس ملے ہیں اور رؤف حسن سوشل میڈیا ٹیم کی سربراہی کرتے ہوئے عدلیہ اور انتظامیہ کے خلاف مہم چلا رہے ہیں۔

ایف آئی اے کے مطابق ملزمان پیسوں کے عوض لوگوں کو واٹس ایپ گروپس چلانے کے لیے استعمال کر رہے ہیں اور اس میں بیرون ملک سے لوگ بھی شامل ہیں۔ تفتیشی افسر نے عدالت سے درخواست کی کہ ملزمان کے سوشل میڈیا اکاؤنٹس کی جانچ پڑتال کے لیے مزید وقت دیا جائے۔

عدالت نے تفتیشی افسر کی درخواست منظور کرتے ہوئے رؤف حسن سمیت 9 دیگر ملزمان کے جسمانی ریمانڈ میں 3 روز کی توسیع کردی ہے۔