وزیراعظم کی جانب سے اسلام آباد میں مون سون شجرکاری مہم کا آغاز

وزیراعظم شہباز شریف نے اسلام آباد میں مون سون شجرکاری مہم کا آغاز کیا۔

اس موقع پر اظہار خیال کرتے ہوئے وزیر اعظم نے کہا کہ انہوں نے متعلقہ اداروں کو ہدایت کی ہے کہ رواں سال دس کروڑ سے زیادہ پودے لگائے جائیں۔

انہوں نے کہا کہ درخت لگانے سے نہ صرف فضائی آلودگی ختم ہوگی بلکہ موسمیاتی تبدیلی سے نمٹنے میں بھی مدد ملے گی جس سے 2022 میں ملک بری طرح متاثر ہوا۔

وزیراعظم نے کہا کہ وفاقی حکومت صوبائی حکومتوں کے تعاون سے ملک کو آلودگی سے پاک رکھنے کیلئے اپنا کردار ادا کرے گی۔

اس موقع پر وزیر اعظم کو شجرکاری مہم کے بارے میں آگاہ کیا گیا۔