خلائی سٹیشن کی تعمیر ، چین کا انسان بردار خلائی مشن روانہ

تفصیلات کے مطابق چین نے اپنا پہلا  انسان بردار خلائی مشن روانہ کردیا ہے ، مشن شین زاو 12 نامی سپیس کرافٹ کے ذریعے روانہ ہوا ۔ چین امریکہ اور روس کے بعد خلا باز بھیجنے والا تیسرا ملک بن گیا ہے ، چین اس سے پہلے بھی دوتجرباتی خلائی سٹیشن چلا چکا ہے جن میں خلاباز بھی موجود تھے۔ تین افراد پر مشتمل ٹیم مدار میں تین ماہ کے لیے قیام کریگی ، مشن کا مقصد آئندہ سال کے اختتام تک چینی خلائی سٹیشن کی تعمیرکو مکمل کرنا ہے ۔

چین نے خلائی سٹیشن کی تعمیر کو مکمل کرنے کے لیے آئندہ سال 11 مشن روانہ کرنے کا منصوبہ بنایا ہے۔ خلا میں اس وقت انٹرنیشنل سپیس سٹیشن قائم ہے جس میں چین کا کوئی بھی حصہ نہیں ، یہ سٹیشن امریکہ ، جاپان ، کینیڈا، روس اور یورپ کی خلائی ایجنسیوں نے مل کر تیار کیا تھا ۔

چین کی جانب سے پچھلے پانچ برسوں میں پہلا انسان بردار خلائی مشن ہے جس میں خلا بازوں کو خلا میں بھیجا جارہا ہے۔یہ خلائی مشن ان 11 مشنز میں تیسرا ہے جو چین کے مستقل خلائی سٹیشن کو 2022 تک آپریشنل کرنے کے لیے خلا میں بھیجے جائیں گے ۔

خلائی سٹیشن امریکہ کی سربراہی میں چلنے والے بین الااقوامی خلائی سٹیشن سے زیادہ عرصے تک خلا میں موجود رہے گا۔ امریکی خلائی سٹیشن کو 2024 میں وسائل کے ختم ہونے کے بعد بند کردیا جائیگا۔