سعودی عرب نے بین الااقوامی مسافروں کے لیے نئی ہدایا ت جاری کردیں

تفصیلات کے مطابق سعودی محکمہ پاسپورٹ نے بیرون ممالک  سے آنے والے ویکیسن لگوانے والے اور ویکسین نہ لگوانے والے تمام غیر ملکیوں کو ہدایات کی ہے کہ وہ سعودی عرب پہنچنے سے قبل لنک کے ذریعے ویکسین کا اندراج آن لا ئن ضرور کروالیں۔

 سرکاری خبررساں ادارے کے مطابق محکمہ پاسپورٹ نے بیان میں کہا ہے کہ ویکیسن کے آن لائن اندراج کی بدولت ان کی امیگریشن کارروائی  جلد مکمل ہوجا ئیگی ، اور انہیں ائیر پورٹ یا بری سرحدی چوکی یا بندرگاہ پر طویل انتظار کی زحمت نہیں کرنا پڑے گی ۔ محکمہ پاسپورٹ کا کہناہے کہ کورونا ویکسین کا آن ،لائن اندراج جی سی سی ممالک کے شہریوں ، مختلف قسم کے نئے ویزا ہولڈرز ، مقیم غیر ملکیوں ، ان کے اہل و عیال سب کے لیے ہے ، اندراج انہیں بھی کرانا ہوگا جو ویکسین لگوا چکے ہوں اور ان لوگوں کو بھی جنہوں نے ویکسین نہ لگوائی ہو۔

محکمہ پاسپورٹ نے اپنے بیان میں کہا ہے کہ یہ پابندی کووڈ 19 کو مزید پھیلنے سے روکنے اور سعودی شہریوں اور سعودی عرب میں دیگر  مقیم غیر ملکیوں کی صحت و سلامتی کو یقینی بنانے کی وجہ سے لگا ئی گئی  ہے۔