لاس اینجلس اولمپکس 2028 میں کرکٹ سمیت 5 نئے کھیل شامل

لاہور : ایک تاریخی فیصلے میں بین الاقوامی اولمپک کمیٹی نے 2028 کے لاس اینجلس اولمپکس میں کرکٹ کو شامل کرنے کا اعلان کیا ہے۔ 

پیرس اولمپکس کی مشعل امریکی شہر لاس اینجلس کے حوالے کرنے کے بعد یہ اعلان کیا گیا ہے۔ لاس اینجلس 2028 میں کرکٹ کے علاوہ سکواش، بیس بال، فلیگ فٹ بال اور لکروس کو بھی اولمپک مقابلوں کا حصہ بنایا جائے گا۔

کرکٹ کے شائقین دنیا بھر میں اس خبر پر خوشی کا اظہار کر رہے ہیں۔ اس کے ساتھ ہی دیگر نئے کھیل جیسے کہ سکواش، بیس بال، فلیگ فٹ بال اور لکروس کو اولمپکس میں شامل کرنا ان کھیل کے شائقین کے لیے بھی ایک خوش خبری ہے۔

 2028 میں کرکٹ کو 128 سال کے طویل انتظار کے بعد اولمپکس مقابلوں کا حصہ بنایا جا رہا ہے۔1900 میں پیرس میں ہونے والے اولمپکس مقابلوں میں کرکٹ آخری بار شامل تھی۔