روس نےمنگل کو دوسرے دن بھی یوکرین کے متعدد علاقوں میں اہداف کو میزائل اور ڈرون حملوں کا نشانہ بنایا گیا جن میں کم از کم چار افراد ہلاک ہوگئے۔یوکرین کی فوج کے مطابق روس کی طرف سے یہ حملے جنگ کے آغاز کے بعد پیر کو سب سے بڑے فضائی حملے کے ایک دن بعد کئے گئے۔

انڈیا ٹوڈے کی رپورٹ کے مطابق وسطی یوکرین کے شہر کریوی ریح میں ایک ہوٹل پر حملے میں دو افراد زیپوریزہیا میں ڈرون حملوں میں دو افراد ہلاک ہوئے۔دنیپروپیٹروسک علاقے کے گورنر سرہی لیساک نے بتایا کہ کریوی ریح میں روسی حملے کا نشانہ بننے والے ہوٹل کے ملبے کے نیچے دو شہری اب بھی موجود ہو سکتے ہیں ۔

انہوں نے کہا کہ حملے میں پانچ افراد زخمی بھی ہوئے ہیں۔ انہوں نے مزید کہا کہ حملے میں چھ دکانوں، چار بلند و بالا عمارتوں اور آٹھ کاروں کو بھی نقصان پہنچا ہے۔ زیپوریزہیا کے گورنر ایوان فیدوروف نے بتایا کہ علاقے میں روسی ڈرون حملے سے دو افراد ہلاک اورچارذخمی ہوئے ۔ یوکرین کے دارالحکومت کیف میں پیر اور منگل کی درمیانی رات تین بار دھماکوں کی آوازیں سنی گئیں۔ روسی فوج کی طرف سے ان حملوں کو روس کی سرزمین پر یوکرینی فوج کی تین ہفتے قبل شروع ہو نے والی کارروائی کا جواب قرار دیا گیا ہے جو روس کی طرف سے دوسری جنگ عظیم کے بعد اس طرح کی پہلی کارروائی ہے۔ی

وکرین کی فضائیہ نے کہا کہاس نے روسی ایئر فیلڈز سے ڈرون کے کئی گروپوں کی لانچنگ اور سٹریٹجک بمبار طیاروں ٹی یو ۔85 اور سپرسونک انٹرسیپٹر مگ ۔31 طیاروں کی پروازوں کو ریکارڈ کیاہے۔ دوسری طرف یوکرینی فوج نے روس کے سرحدی علاقے میں مزید پیش قدمی کا دعویٰ کیا ہے۔ منگل کو یوکرین کے مختلف علاقوں میں روسی حملوں نے نقصانات کا فوری طور پر اندازہ نہیں لگایا جا سکا ۔

روسی وزارت دفاع نے کہا کہ پیر کے روز حملوں میں یوکرین کے اہم توانائی کے بنیادی ڈھانچے میں تمام مقررہ اہداف کو نشانہ بنایاگیا۔پیر کو یوکرین کے مختلف علاقوں پر حملوں میں روس نے 200 سے زیادہ میزائل اور ڈرون داغے، جس میں کم از کم سات افراد ہلاک اور توانائی کے بنیادی ڈھانچے کو نقصان پہنچا۔امریکی صدر جو بائیڈن نے یوکرین میں ان روسی حملوں کی مذمت کرتے ہوئے اسے اشتعال انگیز اقدام قرار دیاہے۔

 بھارت کے جے شاہ آئی سی سی کے بلا مقابلہ چئیرمین منتخب ہو گئے۔ 

تفصیلات کے مطابق جے شاہ یکم دسمبر سے باقاعدہ  چیئرمین آئی سی سی عہدے کا چارج سنبھالیں گے،جے شاہ جنوری 2021 سے بطور چئیرمین ایشین کرکٹ کونسل کام کر رہے ہیں ،جے شاہ کے علاوہ کسی نے آئی سی سی کی چئیرمین شپ کیلئے کاغذات جمع نہیں کرائے۔

نومنتخب  چیئرمین آئی سی سی  جے شاہ کا کہنا ہے کرکٹ کے فروغ کیلئے بھرپور اقدامات کرنے کی کوشش  کروں گا،لاس اینجلس اولمپک کرکٹ کی مقبولیت بڑھانے کےلیے بہت اہم ایونٹ ہے اس سے فائدہ اٹھائیں گے ۔ 

کرکٹ کے فروغ کیلئے آئی سی سی ٹیم اور رکن ممالک کےساتھ ملکر کام کرنے کیلئے پرعزم ہوں ،جدید ٹیکنالوجی کو اپناتے ہوئے کرکٹ کے مختلف فارمیٹس کے بقا کیلئے توازن پیدا کرنا وقت کی اہم ضرورت ہے،میری کوشش ہو گی کہ کرکٹ کو پہلے سے زیادہ مقبول کھیل بناؤں۔ 

مولانا فضل الرحمن منگل کے روز یہاں سابق وزیر اعظم چوہدری شجاعت حسین کی رہائش گاہ پر پہنچے ، انہوں نے چوہدری شجاعت حسین کی خیریت دریافت کی اور ملک کی سیاسی صورتحال پر تبادلہ خیال کیا ۔ملاقات میں صوبائی وزیر صنعت و تجارت چوہدری شافع حسین بھی موجود تھے۔ چوہدری شجاعت حسین نے گفتگو کرتے ہوئے کہا کہ مولا نا فضل الرحمن کے ساتھ ہمارے دیرینہ تعلقات ہیں،چوہدری ظہور الٰہی کے دور میں مولانا فضل الرحمن کے والد مولانا مفتی محمود کے ساتھ بھی گہرے مراسم تھے ،انہوں نے کہا کہ تعلقات کا یہ سلسلہ مولانا فضل الرحمن کے ساتھ بھی قائم ہے اور قائم رہے گا۔

مولانا فضل الرحمان نے کہا کہ چوہدری شجاعت حسین ہمارے بزرگ اور دوست ہیں ، ہم چوہدری شجاعت حسین کی عیادت کیلئے آئے تھے لیکن چوہدری شجاعت حسین نے 22اگست کے سپریم کورٹ کے فیصلے کی خوشی میں ہمیں حلوہ کھلایا اورختم نبوت کے حوالے سے کامیابی پر مبارکباد دی ہے ۔

اس موقع پر مولانا امجد خان نے چوہدری شجاعت حسین سے کہا کہ 1974میں قومی اسمبلی میں پاس ہونے والی قراردادوں اور مکمل کارروائی کو کتابی شکل دے دی گئی ہے ،پانچ جلدوں میں چھپی ہوئی یہ کتاب جلد آپ کو بھجوائیں گے ۔ملاقات کے اختتام پر چوہدری شجاعت حسین کی مکمل صحت یابی کیلئے دعا بھی کی گئی ۔ سابق وفاقی وزیر چوہدری وجاہت حسین ، ترجمان جے یو آئی اسلم غور ی ، حافظ نعیم ، حافظ غضنفر ، ڈپٹی سیکرٹری اطلاعات جے یو آئی مولانا امجد خان اور دیگر بھی ملاقات میں موجود تھے ۔