بجلی کے بل میں کمی : 200 یونٹ سے والے صارفین محروم

لاہور : پنجاب حکومت نے صوبے کے بجلی صارفین کو خوشخبری دیتے ہوئے بجلی کے بلوں میں کمی کا اعلان کیا ہے۔ حکومت کی جانب سے 500 یونٹ تک بجلی استعمال کرنے والے صارفین کو 2 ماہ کے لیے 14 روپے فی یونٹ کا ریلیف دیا جائے گا۔ تاہم اس ریلیف کا اطلاق صرف 201 یونٹ سے 500 یونٹ تک کے صارفین پر ہوگا۔ 

ذرائع کے مطابق جو صارفین ماہانہ 200 یونٹ تک بجلی استعمال کرتے ہیں انہیں اس ریلیف کا فائدہ نہیں ہوگا کیونکہ انہیں پہلے ہی سبسڈی دی جا رہی ہے۔

حکومت کے مطابق، 201 یونٹ سے 500 یونٹ تک بجلی استعمال کرنے والے صارفین کے بل میں فی یونٹ 14 روپے کی کمی ہوگی۔ مثال کے طور پر، اگر کسی صارف کا بل 44 روپے فی یونٹ بنتا ہے تو اسے اب 30 روپے فی یونٹ ادا کرنا ہوگا۔

بجلی کے بلوں میں یہ ریلیف اگست اور ستمبر 2024 کے بلوں میں دیا جائے گا۔

پنجاب حکومت کا کہنا ہے کہ اس اقدام کا مقصد عوام کو مہنگائی سے بچانا ہے۔ وزیراعلیٰ پنجاب مریم نواز نے کہا ہے کہ وہ عوام کو ریلیف دینے کے لیے دن رات محنت کر رہی ہیں۔