آزاد کشمیرکے مختلف علاقوں میں 4.6 شدت کے زلزلے کے جھٹکے

مظفرآباد : آزاد کشمیر کے مختلف علاقوں میں آج شدید زلزلے کے جھٹکے محسوس کیے گئے ہیں جن سے علاقے میں خوف و ہراس کی لہر دوڑ گئی ہے۔ زلزلے کے جھٹکے مظفرآباد، وادی نیلم، دھیر کوٹ اور عباس پور سمیت دیگر علاقوں میں محسوس کیے گئے۔

زلزلہ پیما مرکز کے مطابق زلزلے کی شدت 4.6 ریکارڈ کی گئی ہے اور اس کی گہرائی 11 کلومیٹر ہے۔ زلزلے کا مرکز سوپور کے قریب بتایا جا رہا ہے۔ 

لوگوں کا کہنا ہے کہ زلزلے کے جھٹکے اتنے شدید تھے کہ لوگ گھروں سے باہر نکل آئے۔