بونا راست منصوبہ پاکستان کے لیے ایک سنگ میل ثابت ہوگا، وزیراعظم

وزیراعظم شہباز شریف نے کہا کہ بونا راست منصوبہ پاکستان کے لیے ایک سنگ میل ثابت ہوگا۔ اس سے نہ صرف عوام کو سہولت ہوگی بلکہ ملک کی معیشت کو بھی تقویت ملے گی۔ انہوں نے کہا کہ یہ منصوبہ بیرون ملک مقیم پاکستانیوں کو بھی فائدہ پہنچائے گا۔

شہباز شریف نے کہا ہے کہ بونا راست کنیکٹیویٹی منصوبے سے رقوم کی منتقلی کے غیرروایتی چینلز کا خاتمہ اور حوالہ ہنڈی کا راستہ بند ہوگا، بوناراست کنیکٹیوٹی جدید تکنیکوں کے ذریعے مالیاتی لین دین کو فروغ دینے کے لیے ایک بہت بڑا قدم ہے، بونا راست پاکستان کا پہلا کراس بارڈررقوم کی منتقلی کا نظام ہے۔ اس منصوبے کے تحت پاکستانی اور عرب ممالک کے درمیان رقوم کی منتقلی کو آسان، محفوظ اور شفاف بنایا جائے گا۔

بونا راست کنیکٹیوٹی منصوبے پر نفاذ کی افتتاحی تقریب سے خطاب کرتے ہوئے وزیراعظم شہباز شریف نے کہا کہ بونا راست کنیکٹیوٹی بہت اہم منصوبہ ہے، بونا راست پاکستان کا پہلا کراس بارڈر رقوم کی منتقلی کا نظام ہے، منصوبے سے پاکستان اور عرب ملکوں میں رقوم کی منتقلی شفاف اور مؤثر انداز میں ہوسکے گی۔

وزیراعظم نے کہا کہ بونا راست سے عوام کو سہولت اور کاروبار فروغ پائے گا، منصوبے سے عرب ملکوں سے پاکستانی شہری رقوم کی منتقلی کرسکیں گے، پاکستانی رقوم کی منتقلی شفاف انداز میں محفوظ اور باآسانی کرسکیں گے، منصوبے سے رقوم کی منتقلی کے غیرروایتی چینلز کا خاتمہ ہوگا، منصوبے سے پاکستان کا رقوم کی ڈیجیٹل منتقلی کا بنیادی ڈھانچہ مضبوط ہوگا۔

شہباز شریف کا مزید کہنا تھا کہ بونا راست منصوبہ ترسیلات زر میں بھی اضافے کا سبب بنے گا، منصوبے سے حوالہ اور ہنڈی کا خاتمہ ہوگا، بل اینڈ ملنڈا گیٹس فاؤنڈیشن اور کرن داس کے تعاون پر شکر گزار ہیں، ڈیجیٹل نظام راست کو عرب مانیٹری فنڈ کے تحت بونا سے جوڑا جارہا ہے، بونا راست پاکستان کا پہلا کراس بارڈر رقوم کی منتقلی کا نظام ہے۔

انہوں نے کہا کہ وزیر خزانہ اور گورنر اسٹیٹ بینک نے بہت اچھا کام کیا ہے، پہلے میں کچھ غلطیاں صحیح کرنا چاہوں گا، کرنداز کے سی ای او نے بتایا کہ اس کے مکمل ہونے کا وقت 5 سال تھا لیکن اسے 5 ماہ میں مکمل کیا گیا ہے۔

قبل ازیں وزیر خزانہ محمد اورنگزیب نے کہا ہے کہ ملک میں میکرو اکنامک استحکام آرہا ہے، بونا راست کنیکٹیوٹی ایک انتہائی اہم قدم ہے، وزیر اعظم کی چئرمین شپ میں ہم نے ریاض میں ورلڈ اکنامک فورم میں شرکت کی، وزیراعظم کی قیادت میں معیشت بہترین کی جانب گامزن ہے، ایک ہفتے پہلے ہم نے ٹرانسفارمیشن ٹیم سے مشاورت کی اور ہم سعودی کی ٹرانسفارمیشن سے بہت کچھ سیکھیں گے۔

وزیر خزانہ نے کہا کہ زرمبادلہ کے ذخائراور سرمایہ کاروں کے اعتماد میں اضافہ ہوا، پاکستانی روپے کی قدر مستحکم ہورہی ہے، توانائی کےشعبےمیں اورٹیکس نظام میں اصلاحات کے لیے پر عزم ہیں، ہمارا ڈیجیٹل کی اکانومی طرف بڑھنا خوش آئند ہے، ڈیجیٹائزیشن کا عمل کسی بھی ملک کی ترقی کااہم جزو ہے، وزیراعظم کا کہنا ہے کہ ڈیجیٹائزیشن سےغربت اور بدعنوانی کا خاتمہ ہوگا، ڈیجیٹائزیشن سے شفافیت آئے گی اور بدعنوانی کاخاتمہ ہوگا۔

وزیر خزانہ محمد اورنگزیب نے کہا کہ بونا راست منصوبہ ملک میں میکرو اکنامک استحکام لانے میں اہم کردار ادا کرے گا۔ انہوں نے کہا کہ اس منصوبے سے سرمایہ کاروں کا اعتماد بحال ہوگا اور ملک میں سرمایہ کاری میں اضافہ ہوگا۔

بونا راست کیا ہے؟

بونا راست پاکستان کا پہلا کراس بارڈر رقوم کی منتقلی کا نظام ہے جو جدید ٹیکنالوجی کا استعمال کرتے ہوئے مالیاتی لین دین کو آسان بناتا ہے۔ اس منصوبے کے ذریعے حوالہ ہنڈی جیسے غیر قانونی طریقوں کا خاتمہ ہوگا اور بیرون ملک مقیم پاکستانی اپنی آمدنی کو محفوظ طریقے سے اپنے ملک بھیج سکیں گے۔