کھیل
پاکستان نے بنگلہ دیش کے خلاف 448 رنز پر پہلی اننگ ڈکلیئر کر دی
پاکستان نے دوسرے دن بھی اپنی اننگز کو آگے بڑھاتے ہوئے بنگلادیش کو دباؤ میں رکھا
![پاکستان اور بنگلادیش کے ٹیسٹ میچ کا دوسرا دن : رضوان اور شکیل کی سنچریاں](/media/115681/conversions/Cricket-1280x720.jpg)
راولپنڈی: پاکستان اور بنگلادیش کے درمیان جاری ٹیسٹ میچ میں پاکستان کے بیٹرز سعود شکیل اور محمد رضوان نے شاندار سنچریاں سکور کرکے ٹیم کو مضبوط پوزیشن میں پہنچا دیا۔
دونوں بیٹرز نے اپنے اپنے ٹیسٹ کیریئر کی تیسری سنچری اسکور کی ہے اور اب بھی کریز پر موجود ہیں۔ کھیل کے دوسرے روز پاکستان نے چار وکٹوں کے نقصان پر 158 رنز سے اننگز آگے بڑھائی اور اب اسکور 295 رنز ہے۔
کھیل کے پہلے دن بنگلادیش نے ٹاس جیت کر بولنگ کا فیصلہ کیا اور نئی گیند کا فائدہ اٹھاتے ہوئے پاکستان کے اوپنرز کو جلد ہی آؤٹ کردیا۔ عبد اللہ شفیق اور کپتان شان مسعود جلد ہی پویلین لوٹ گئے۔ تاہم صائم ایوب اور سعود شکیل نے نصف سنچریاں سکور کرکے پاکستان کی پوزیشن کو بہتر کیا۔
بنگلادیش کی جانب سے شریف الاسلام اور حسن محمود نے دو دو وکٹیں حاصل کیں اور پاکستان کے بیٹرز پر مسلسل دباؤ ڈالا۔ تاہم سعود شکیل اور محمد رضوان نے شاندار پارٹنرشپ کرکے بنگلادیشی حملے کو ناکام بنایا۔
پاکستان نے دوسرے دن بھی اپنی اننگز کو آگے بڑھاتے ہوئے بنگلادیش کو دباؤ میں رکھا۔ سعود شکیل اور محمد رضوان کی سنچریوں نے پاکستان کو میچ میں واضح برتری دلا دی ہے۔
وافضح رہے کہ پاکستان نے بنگلہ دیش کے خلاف 448 رنز پر پہلی اننگ ڈکلیئر کر دی
تجارت
کے الیکٹرک نے مزید بجلی مہنگی کرنے کی درخواست نیپرا کو بھیج دی
نیپرا مئی اور جون میں مرحلہ اوار مئی اور جون کی ایڈجسٹمنٹس میں کے الیکٹرک کے لیے بجلی مہنگی کرچکا ہے
![کے الیکٹرک نے مزید بجلی مہنگی کرنے کی درخواست نیپرا کو بھیج دی](/media/115729/conversions/372654_3725407_updates-1280x720.jpg)
کراچی: بجلی سپلائی کمپنی کے الیکٹرک نے بجلی 3 روپے 9 پیسے مزید بجلی مہنگی کرنے کی درخواست نیپرا کو جمع کرا دی۔
میڈیا ذرائع کے مطابق کے الیکٹرک نے جولائی کی ماہانہ ایڈجسٹمنٹ کی درخواست نیپرا میں دائر کی ہے جس پر نیپرا کی جانب سے سماعت 29 اگست کو ہوگی۔
تفصیلات کے مطابق درخواست منظور ہوئی تو کے ای صارفین پر 6 ارب 20 کروڑ 60 لاکھ کا بوجھ پڑے گا۔
واضح رہے کہ نیپرا مئی اور جون میں مرحلہ اوار مئی اور جون کی ایڈجسٹمنٹس میں کے الیکٹرک کے لیے بجلی مہنگی کرچکا ہے، کے ای کے لیے مئی اور جون کی ایڈجسٹمنٹ میں بجلی 5 روپے 76 پیسے مہنگی کی جاچکی ہے۔
دنیا
اسرائیلی فورسز کے حملوں کا سلسلہ نہ رک سکا، مزید 27 فلسطینی شہید
شمالی غزہ کے قصبے بیت لاہیا میں ایک گھر پر اسرائیلی حملے کے نتیجے میں 11 افراد شہید ہوئے، ان 11 افراد میں بچے اور خواتین بھی شامل تھیں
![اسرائیلی فورسز کے حملوں کا سلسلہ نہ رک سکا، مزید 27 فلسطینی شہید](/media/115761/conversions/Gaza-1280x720.jpg)
اسرائیلی فورسز کی جانب سے وسطی اور جنوبی غزہ کے علاقوں میں حملوںکا سلسلہ نہ رکا، کارروائیوں کے نتیجے میں مزید 27 فلسطینی شہید ہو گئے ہیں۔
میڈیا رپورٹ کےمطابق یہ کارروائیاں امریکی صدر جو بائیڈن کے اسرائیلی وزیراعظم بنجمن نیتن یاہو پر غزہ میں جنگ بندی اور قیدیوں کی رہائی کے لیے ایک معاہدے تک پہنچنے کے لیے دباؤ ڈالنے کے چند گھنٹے بعد سامنے آئی ہیں۔
شمالی غزہ کے قصبے بیت لاہیا میں ایک گھر پر اسرائیلی حملے کے نتیجے میں 11 افراد شہید ہوئے، ان 11 افراد میں بچے اور خواتین بھی شامل تھیں۔ سول ایمرجنسی سروس کے مطابق ان میں سے کچھ افراد کی لاشیں جل چکی تھیں جن کی شناخت بھی مشکل ہے۔
اس کے علاوہ اسرائیلی فورسز کی جانب سےوسطی غزہ کی پٹی المغازی کیمپ کے ایک گھر میں ہونے والے حملے میں ایک مقامی صحافی سمیت 6 افراد شہید ہوئے۔ ذرائع نے یہ بھی بتایا کہ جنوب میں الگ الگ حملوں میں 5 دیگر افراد بھی شہید ہوئے ہیں۔
بعد ازاں جمعرات کوخان یونس میں ایک چوک کے قریب لوگوں کو نشانہ بنانے والے اسرائیلی فضائی حملے میں 5 فلسطینی شہید اور متعدد زخمی ہوگئے ہیں۔
اس کے علاوہ امریکی اور اسرائیلی وفود نےجمعرات کو قاہرہ میں جنگ بندی کے معاہدے تک پہنچنے کے لیے اجلاسوں کا ایک نیا دور شروع کیا ہے، جنگ بندی پر مہینوں تک جاری رہنے والی بات چیت انہی مسائل پر مبنی ہے لیکن اسرائیل اور حماس اپنے مطالبات پر مضبوطی سے ڈٹے ہوئے ہیں۔
موسم
بھارت : طوفانی بارشوں سے 10 افراد ہلاک
34 ہزار افراد کو اپنے گھر بار چھوڑ کر ریلیف کیمپس میں پناہ لینا پڑی جہاں پینے کے پانی اور دواؤں کی کمی کا سامنا ہے
![بھارت : طوفانی بارشوں سے 10 افراد ہلاک](/media/115741/conversions/indiaaa-1-696x342-1280x720.jpg)
نئی دہلی: بھارتی ریاست تریپورہ میں طوفانی بارشوں سے ہلاک ہونے والوں کی تعداد 10 سے تجاوز کرگئی جبکہ متعدد افراد لاپتہ ہوگئے۔
بھارتی میڈیا کے مطابق ریاست تریپورہ کے 8 اضلاع میں مسلسل ہونے والی طوفانی بارشوں نے تباہی مچادی۔ بارش نے سیلابی کیفیت اختیار کرلی اور پانی کا ریلہ رہائشی علاقوں میں داخل ہوگیا ، بارشوں سے متعدد مکانات منہدم ہوگئے اور ملبے تلے درجنوں افراد دب گئے۔ اب تک ہلاک ہونے والوں کی تعداد 10 سے زائد ہوچکی ہے۔ امدادی کاموں کے دوران لاشیں ملنے کا سلسلہ جاری ہے۔
34 ہزار افراد کو اپنے گھر بار چھوڑ کر ریلیف کیمپس میں پناہ لینا پڑی جہاں پینے کے پانی اور دواؤں کی کمی کا سامنا ہے۔ متعدد افراد سیلابی ریلے میں بہہ گئے جن کی تلاش کا کام جاری ہے۔
بارشون اور سیلاب کے باعث نظام زندگی درہم برہم ہوکر رہ گئے۔ ٹرانسپورٹ بند اور ریلوے سروس معطل ہیں۔ کئی علاقے تاریکی میں ڈوب گئے اور سڑکوں پر گاڑیوں کی قطاریں لگ گئیں۔
-
دنیا 2 دن پہلے
بھارتی وزیر اعظم نریندر مودی کا یوکرین کا دورہ ، بھارتی سازش بے نقاب
-
علاقائی ایک دن پہلے
سپریم کورٹ کی جانب سے حلقے این اے 97 میں دوبارہ گنتی کی درخواست مسترد
-
پاکستان ایک دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
پاکستان 14 گھنٹے پہلے
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
-
پاکستان ایک دن پہلے
پنجاب میں 22 سے 24 اگست تک دفعہ 144 نافذ
-
ٹیکنالوجی 2 دن پہلے
ٹیلی نار نے صارفین کی سہولت کیلئے ای سم متعارف کرادی
-
تجارت ایک دن پہلے
نیپرا نے کراچی میں بجلی فیول ایڈجسٹمنٹ کی مد میں 5 روپے76 پیسے فی یونٹ مہنگی کردی
-
تجارت ایک دن پہلے
بجلی صارفین کو ریلیف پیکج کیلئے پنجاب حکومت نےسمری وفاق کو بھجوا دی