پی ٹی آئی رہنما شیر افضل مروت گرفتاری کے بعد رہا

اسلام آباد پولیس نے تحریک انصاف کے رکن قومی اسمبلی شیر افضل مروت کو گرفتار کرنے کے بعد رہا کر دیا۔

پولیس کی بھاری نفری نے شیر افضل مروت کو حراست میں لے کر تھانہ گولڑہ منتقل کردیا جبکہ شیر افضل مروت کی گرفتاری کی تصدیق ان کے ٹوئٹر اکاؤنٹ سے کی گئی۔

ذرائع کےمطابق اسلام آباد پولیس نے پوچھ کچھ کے بعد شیر افضل مروت کو چھوڑ دیا۔ترنول جلسہ گاہ پہنچنے والے 16کارکن بھی زیر حراست ہیں۔

گیم تبدیل۔۔شیر افضل مروت رہا!!
#GNN #BreakingNews #NewsUpdates #GNN_Updates pic.twitter.com/DnS43AB2eK

— GNN (@gnnhdofficial) August 22, 2024

واضح رہے کہ تحریک انصاف نے آج اسلام آباد میں اپنا جلسہ ملتوی کر دیا تھا، جس کے بعد اعظم خان سواتی نے پریس کانفرنس کرتے ہوئے اعلان کیا تھا کہ ترنول پارک کا جلسہ 8 ستمبر کو کیا جائے گا۔

یاد رہے کہ اسلام آباد میں دفعہ 144 نافذ ہے پی ٹی آئی کے رکن قومی اسمبلی شیر افضل مروت نے اعلان کیا تھا کہ پی ٹی آئی کا جلسہ نہ بھی ہوا تو ترنول میں جلسہ کریںگے۔