پاکستان
منی لانڈرنگ کیس: مونس الٰہی کا شناختی کارڈ اور پاسپورٹ بلاک کرنے کا حکم
عدالت نے مونس الٰہی اور ضیغم عباس کی جائیدادیں اور بینک اکائونٹس منجمد کرنے کا حکم بھی جاری کر دیا
![منی لانڈرنگ کیس: مونس الٰہی کا شناختی کارڈ اور پاسپورٹ بلاک کرنے کا حکم](/media/115697/conversions/Monas-Elahi-1280x720.jpg)
منی لانڈرنگ کیس میں اسپیشل سینٹرل عدالت لاہور نے مونس الٰہی سمیت 6 اشتہاری ملزمان کے شناختی کارڈز اور پاسپورٹ بلاک کرنے کا حکم جار کر دیا ہے۔
تفصیلات کے مطابق اسپیشل سینٹرل عدالت لاہور میں مونس الٰہی سمیت دیگر اشتہاری ملزمان کے خلاف منی لانڈرنگ کے مقدمے کی سماعت ہو ئی۔ جس میں جج تنویر احمد نے ایف آئی اے کے چالان پر سماعت کی۔
عدالت نے مونس الٰہی اور دیگر 5 اشتہاری ملزمان کے شناختی کارڈز اور پاسپورٹ بلاک کرنے کا حکم دیتے ہوئے ملزمان کا نام پاسپورٹ کنٹرول لسٹ میں شامل کرننے کا حکم بھی دے دیا ہے۔مونس الٰہی کے علاوہ دیگر اشتہاری ملزمان میں فراست علی چٹھہ، امتیاز علی شاہ، عامر سہیل اور عامر فیاض شامل ہیں۔
اس کے علاوہ عدالت نے مونس الٰہی اور ضیغم عباس کی جائیدادیں اور بینک اکائونٹس منجمد کرنے کا حکم بھی جاری کر دیا۔ اسپیشل سینٹرل کورٹ نے مونس الٰہی کے نام پر لاہور کے علاقے گلبرگ میں واقعہ ایک پلاٹ اور ایک گھر بھی ضبط کرنے اور قصور میں 26 کنال سے زائد اراضی بھی منجمد کرنے کا حکم دیا۔
اسپیشل سینٹرل عدالت نے آئندہ سماعت پر عملدرآمد رپورٹس طلب کرتے ہوئے سماعت 19 ستمبر تک ملتوی کر دی۔
جرم
رحیم یار خان : ڈاکوؤں نے نفری تبدیل کرنے والی پولیس گاڑیاں تباہ کر دیں ، 12 اہلکار شہید
کیمپ 2 پر ڈاکوؤں نے نفری تبدیل کرنے والی پولیس موبائلوں کو راکٹ لانچروں سے نشانہ بنایا
![رحیم یار خان : ڈاکوؤں نے نفری تبدیل کرنے والی پولیس گاڑیاں تباہ کر دیں ، 12 اہلکار شہید](/media/115746/conversions/2690600-police-1724345168-417-640x480-1280x720.jpg)
رحیم یار خان: پنجاب کے علاقے رحیم یار خان میں کچے کے ڈاکوؤں نے پولیس پر شدید حملہ کیا جس میں 11 اہلکار شہید جبکہ تین زخمی ہوگئے۔
کیمپ 2 پر ڈاکوؤں نے نفری تبدیل کرنے والی پولیس موبائلوں کو راکٹ لانچروں سے نشانہ بنایا۔
راکٹ لانچر کے حملے میں پولیس موبائلیں تباہ جبکہ 11 اہلکار موقع پر شہید اور تین زخمی ہوئے۔ واقعے کے بعد ضلع بھر کی پولیس کی بھاری نفری کو جائے وقوعہ پر طلب کرلیا گیا ہے جبکہ نفری کی قیادت ضلعی پولیس آفیسر عمران کررہے ہیں۔
واضح رہے کہ پولیس نے کچے میں ڈاکوؤں کی نقل و حرکت روکنے کیلیے ماچھکہ میں کیمپ قائم کیا ہوا تھا، جہاں پر 25 کے قریب مسلح ڈاکوؤں نے شدید حملہ کیا۔
صورت حال کے پیش نظر جائے وقوعہ پر ایمبولینسسز کو بھی طلب کرلیا گیا ہے۔
موسم
ملک کے بیشتر علاقوں میں آج بارش کا امکان
وفاقی دارالحکومت اسلام آباد اور گردونواح میں موسم گرم اور مرطوب رہنے کا امکان ہے
![ملک کے بیشتر علاقوں میں آج بارش کا امکان](/media/115757/conversions/Rain-1280x720.jpg)
اسلام آباد: محکمہ موسمیات نے ملک کے بیشتر علاقوں میں آج بارش کی پیشگوئی کی ہے۔ محکمہ کے مطابق ملک کے مختلف حصوں میں تیز ہواؤں اور گرج چمک کے ساتھ بارش کا امکان ہے۔
وفاقی دارالحکومت اسلام آباد اور گردونواح میں موسم گرم اور مرطوب رہنے کا امکان ہے تاہم شام اور رات کے اوقات میں تیز ہواؤں اور گرج چمک کے ساتھ بارش کی پیشگوئی کی گئی ہے۔
خیبر پختونخوا میں چترال، دیر، سوات، کوہستان، ایبٹ آباد، بونیر، مہمند، خیبر، باجوڑ اور مالاکنڈ سمیت کئی اضلاع میں بارش کا امکان ہے۔
پنجاب میں مری، گلیات، راولپنڈی، چکوال، جہلم، گجرات، گوجرانوالہ، لاہور، سیالکوٹ، نارووال، ساہیوال، ملتان، خانیوال، پاکپتن، بہاولپور، بہاولنگر اور ڈیرہ غازی خان سمیت متعدد شہروں میں بارش کی پیشگوئی کی گئی ہے۔
بلوچستان میں ژوب، بارکھان، موسیٰ خیل، قلات، خضدار اور گردونواح میں بارش کا امکان ہے۔
سندھ میں تھر پارکر، میرپورخاص، بدین، مٹھی، سانگھڑ، خیر پور اور گردونواح میں تیز ہواؤں اور گرج چمک کے ساتھ بارش کی پیشگوئی کی گئی ہے۔ ساحلی علاقوں میں ہلکی بارش اور بونداباندی کا امکان ہے۔
کشمیر اور گلگت بلتستان میں بھی کچھ علاقوں میں بارش کا امکان ہے۔
پاکستان
جمعیت علمائے اسلام کا سپریم کورٹ کے فیصلے پر یوم تشکر
دنیا کی کوئی طاقت عقیدہ ختم نبوت کیخلاف سازش نہیں کر سکتی، سربراہ جمعیت علمائے اسلام
![جمعیت علمائے اسلام کا سپریم کورٹ کے فیصلے پر یوم تشکر](/media/115766/conversions/Maulana-Fazal-ur-Rehman-1280x720.jpg)
سربراہ جمعیت علمائے اسلام (ف) مولانا فضل الرحمن کا سپریم کورٹ کے مبارک ثانی کیس میں فیصلے پر آج یوم تشکر منانے کا اعلان کر دیا۔
سربراہ جمعیت علمائے اسلام (ف) مولانا فضل الرحمن نے پریس کانفرنس کرتے ہوئے کہا کہ سپریم کورٹ اور پارلیمنٹ کا مبارک ثانی کیس میں حتمی فیصلے پر شکریہ ادا کرتا ہوں، دنیا کی کوئی طاقت عقیدہ ختم نبوت کیخلاف سازش نہیں کر سکتی۔
انہوں نے کہا کہ پوری قوم آج جب قادیانیوں کو غیر مسلم قرار دینے کےفیصلے کی گولڈن جوبلی مناررہی ہے اور ساتھ ہی اس فیصلے نے گولڈن جوبلی کی خوشی کو دوبالا کر دیا ہے۔
مولانا فضل الرحمن کا کہنا تھا کہ اس موضوع پر پارلیمنٹ میں کوئی اختلاف نہیں تھا، سپریم کورٹ نے 6 فروری اور 24 جولائی کے قابل اعتراض حصوں کو حذف کر دیا، سود کے مسئلے پر بھی پوری قوم اور علماء کرام متفق ہیں۔
-
پاکستان ایک دن پہلے
عمران خان اور بشری ٰ بی بی کے خلاف 190 ملین پاؤنڈز کیس کی سماعت بغیر کارروائی 23 اگست تک ملتوی
-
پاکستان ایک دن پہلے
ایران میں پاکستانی زائرین کو بس حادثہ کے زخمیوں کی فہرست جاری
-
پاکستان 14 گھنٹے پہلے
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
-
ٹیکنالوجی 2 دن پہلے
ٹیلی نار نے صارفین کی سہولت کیلئے ای سم متعارف کرادی
-
علاقائی ایک دن پہلے
سپریم کورٹ کی جانب سے حلقے این اے 97 میں دوبارہ گنتی کی درخواست مسترد
-
جرم 2 دن پہلے
کراچی میں کار ساز روڈ حادثہ کی ابتدائی پولیس تحقیقات مکمل
-
دنیا 2 دن پہلے
بھارتی وزیر اعظم نریندر مودی کا یوکرین کا دورہ ، بھارتی سازش بے نقاب
-
پاکستان 12 گھنٹے پہلے
آپریشن عزم استحکام کیلئے 20 ارب روپے گرانٹ کی منظوری