کوروناویکسی نیشن سنٹرز کے حوالے سے بڑا فیصلہ آگیا

جی این این کے مطابق  ایکسپو سنٹرلاہور  میں کوروناویکسی نیشن  کے لیے اوقات کار بڑھا دئیے گئے  ہیں جس کے بعد  ایکسپو سنٹرشام 6کےبجائے رات 8بجے تک کھلا رہے گا۔ ڈرائیو تھرو پر آج بھی ویکسی نیشن کا عمل جاری رہے گا ،اس حوالے سے  ڈی سی لاہورمدثر ریاض کاکہنا ہے کہ ڈرائیو تھرو پر رات 8سے 2بجے تک ویکسی نیشن کروائی جاسکے گی اور یہ فیصلہ عوام الناس کی آسانی کیلئےکیا گیا ہے ۔  

ڈی سی مدثرریاض  نے پی کے ایل آئی اسپتال اورایل ڈی اےسپورٹس آزادی چوک کے سنٹرز بھی آج کھولنےکےاحکامات جاری کیے ہیں ،  پی کے ایل آئی اور ایل ڈی اے کے سنٹرز رات 8بجے تک کھلیں رہیں گے۔

دوسری جانب صوبائی محکمہ صحت  کے مطابق لاہور میں ویکیسین کی قلت کا سامنا ہوا جس کے باعث د وروز کیلئے سیکٹورل ویکسینیشن  بند کئے گئے ہیں جبکہ  لاہور میں چار ویکسی نیشن سینٹر کو کھولا گیا ہے جہاں ویکیسن کا عمل جاری ہے  ۔  محکمہ صحت  کاکہنا ہے کہ    لاہور میں کورونا ویکیسین کی ایک لاکھ ڈوزز کا سٹاک موجود ہے ،  صوبہ بھر میں ویکسینیشن سینٹرز  کے  اوقات صبح 8 سے رات 8 بجے تک ہوں گے  جبکہ بروز اتوار پنجاب بھر کے تمام ویکسینیشن سینٹر بند رہیں گے ، سوموار سے تمام ویکسینیشن سینٹر کھول دیے جائیں گے۔  محکمہ صحت کے مطابق اتوار کی شام تک پنجاب کو ویکسین کا وافر سٹاک مہیا ہوجائے گا ، ویکیسن کی قلت کا سامنا تکنیکی مسائل کے باعث  ہو اتھا  جسے دور کر دیا گیا ہے۔

خیال رہے کہ  دو روز قبل  لاہور میں کورونا ویکسین کی قلت کا معاملہ سامنے آیا تھا اورکورونا ویکسین ختم ہونے پر  لاہور کے ایکسپو سینٹر کے باہر شہریوں کا رش  دیکھا گیا    تھا ۔ ذرائع کے مطابق پنجاب حکومت کے پاس صرف 3روز کا اسٹاک رہ گیاہے اور مزید ویکسی نیشن کی ڈیمانڈ کردی گئی ہے ۔

 اس حوالے سے  صوبائی وزیر صحت ڈاکٹریاسمین راشد   کا بیان سامنے آیا تھا کہ پنجاب میں ویکسین کی کوئی کمی نہیں ہے ،   ڈپٹی کمشنرلاہورکے پاس اس  وقت 25ہزار کوروناویکسین کا اسٹاک موجودہے، تمام اضلاع میں ویکسین کی وافرمقدارموجودہے۔ موبائل ویکسین یونٹس کے ذریعے بھی کوروناویکسین لگائی جارہی ہے۔حال ہی میں اضلاع کو16لاکھ ویکسین کی خوراکیں تقسیم کی گئی ہیں جبکہ  صوبہ بھرمیں روزانہ کی بنیادپر2لاکھ40ہزارسے زائد افرادکی ویکسینیشن کررہے ہیں۔

یاد  رہے کہ ملک بھر میں کورونا ویکسی نیشن کا عمل جاری ہے،ملک میں اب تک مجموعی طور پر ایک کروڑ 27 لاکھ 50ہزار 760خوراکیں استعمال کی جاچکی ہے۔

واضح رہے کہ ملک میں کورونا وائرس کی تیسری لہر  کی شدت میں کمی دیکھنے میں آئی ہے اور گزشتہ 24گھنٹوں کے دوران  کورونا سے مزید27فراد چل بسے ۔ ملک میں  اموات کی مجموعی تعداد21 ہزار940ہوگئی ہے،جبکہ  متاثرہ افراد کی مجموعی تعداد 9 لاکھ 47ہزار 218ہو گئی ہے ۔ پنجاب میں کورونا مریضوں کی تعداد 3لاکھ44ہزار 799 ہوگئی ۔ جبکہ صوبے میں اب تک 10ہزار 615افراد جان سے ہاتھ دھو بیٹھے ہیں ۔