اسلام آباد سمیت ملک کے مختلف شہروں میں زلزلے کے جھٹکے

اسلام آباد سمیت ملک کے مختلف شہروں میں زلزلے کے جھٹکے محسوس کیے گئے ہیں تاہم کسی جانی نقصان کی اطلاع نہیں ملی۔

زلزلہ پیما مرکز کے مطابق ریکٹر اسکیل پر زلزلے کی شدت 5.4 ریکارڈ کی گئی جبکہ اس کا مرکز ہندو کش ریجن تھا اور زلزلے کی گہرائی 215 کلومیٹر تھی۔

پشاور، مردان، ملاکنڈ، چارسدہ، صوابی، اپردیر اور ایبٹ آباد میں سوات، شمالی وزیرستان میں زلزلے کے جھٹکے حسوس کیے گئے جبکہ وادی نیلم، اٹھ مقام سمیت کیرن، اپرنیلم میں بھی زلزلے کے جھٹکے محسوس کیے گئے۔

اس کے علاوہ زلزلے کے جھٹکے پنجاب کے شہروں میانوالی، ملتان، بھلوال، پھالیہ، خوشاب، ساہیوال اور گردونواح میں بھی محسوس کیے گئے۔

زلزلے کے جھٹکوں کے باعث لوگوں میں خوف وہراس پھیل گیا اور لوگ کلمہ طیبہ کا ورد کرتے ہوئے گھروں اور دفاتر سے باہر آگئے تاہم زلزلے سے ابھی تک کسی جانی یا مالی نقصان کی اطلاع نہیں ملی۔