آئندہ 24 گھنٹوں میں ملک کے بیشتر علاقوں میں موسم خشک رہے گا ، محکمہ موسمیات

محکمہ موسمیات کی جانب سے جاری کی گئی رپورٹ کے مطابق وفاقی دارالحکومت اسلام آباد میں موسم گرم اور خشک رہے گا۔  

شام کے وقت چند مقامات پر تیز ہواؤں اور گرج چمک کے ساتھ بارش کا امکان ہے ۔ پنجاب کے بیشتر اضلاع میں موسم گرم اور خشک رہے گا، راولپنڈی ، جہلم ، چکوال، سیالکوٹ ، لاہور میں گرج چمک کے ساتھ بارش متوقع ہے ۔ ڈیرہ غازی خان اور لیہ میں چند مقامات پر آندھی کے ساتھ بارش کا امکان ہے جبکہ  

 کے پی کے بیشتر اضلاع میں موسم گرم اور خشک رہے گا۔محکمہ موسمیات نے مانسہرہ ، سوات اور گرد و نواح میں چند مقامات پر تیز ہواؤں کے ساتھ بارش کی نوید سنائی ہے۔ سندھ کے بیشتر اضلاع میں بھی  موسم گرم اور خشک رہے گا جبکہ کراچی میں رات اور صبح کے اوقات میں بوندا باندی کا امکان ہے۔

بلوچستان کے بیشتر اضلاع میں موسم  گرم اور خشک رہے گا ، جبکہ پاکستان کے شمالی علاقوں  کشمیر اور گلگت  بلتستان میں مطلع جزوی ابرآلود رہنے  کے ساتھ چند مقامات  پر بارش کا امکان ہے۔