ڈینگی کے کیسز میں تیزی، 24 گھنٹوں کے دوران  86 نئے مریضوں کی تصدیق

لاہور : پنجاب میں ڈینگی بخار کے کیسز میں تیزی سے اضافہ ہو رہا ہے۔ گزشتہ 24 گھنٹوں کے دوران صوبے بھر میں 86 نئے مریضوں میں ڈینگی کی تصدیق ہوئی ہے۔ ترجمان محکمہ صحت پنجاب کے مطابق سب سے زیادہ ڈینگی کے کیسز راولپنڈی سے رپورٹ ہوئے ہیں۔

تفصیلات کے مطابق گزشتہ 24 گھنٹوں میں راولپنڈی سے 74، لاہور سے 1، گوجرانوالہ، شیخوپورہ، اٹک اور میانوالی سے 2، 2 جبکہ قصور، چکوال اور ساہیوال سے ایک ایک ڈینگی کا کیس سامنے آیا ہے۔ اس کے ساتھ ہی صوبے میں رواں سال ڈینگی کے کیسز کی کل تعداد 1044 تک پہنچ گئی ہے۔

محکمہ صحت نے عوام کو ڈینگی سے بچاؤ کے لیے احتیاطی تدابیر اختیار کرنے کی ہدایت کی ہے۔ لوگوں کو مشورہ دیا گیا ہے کہ وہ اپنے گھروں کے اطراف پانی جمع نہ ہونے دیں اور مکھیوں سے بچاؤ کے لیے جالیوں کا استعمال کریں۔