آئی سی سی   ٹیسٹ رینکنگ  ،سعود شکیل ٹاپ 10 میں شامل

آئی سی سی کی  جانب سے نئی ٹیسٹ پلیئرز رینکنگ جاری کر دی گئی ہے جس  کے مطابق قومی ٹیم کے نائب کپتان  سعود شکیل 20 درجے ترقی کے بعد 7 ویں نمبر پر آگئے جبکہ بابر اعظم بھی رینکنگ میں ایک درجہ بہتری کے بعد   19 سے 18 ویں نمبر پر آگئے ہیں۔

سعود شکیل نے حال ہی میں انگلینڈ کے خلاف کھیلی گئی تین ٹیسٹ میچوں کی سیریز کی 5 اننگز میں ایک سنچری اور ایک نصف سنچری کی مدد سے 280 رنز اسکور کیے اوراس شاندار کارگردگی پر سیریز کے بہترین کھلاڑی قرار پائے۔

ٹیسٹ بیٹنگ میں انگلینڈ کے جوروٹ کی پہلی پوزیشن برقرار ہے جبکہ نیوزی لینڈ کے کین ولیمسن دوسرے، بھارت کے نوجوان یشسوی جیسوال ایک درجے ترقی کے بعد تیسرے نمبرپر آ گئے ہیں جبکہ ویرات کوہلی 6 درجے تنزلی کے بعد 14 ویں نمبر پر چلے گئے ہیں۔

نیوزی لینڈ کے راچن رویندرا بھی ٹاپ ٹین میں شامل ہو گئے، راچن رویندرا 8 درجے ترقی کے بعد 10 ویں نمبر پر آگئے ہیں۔