جیل میں قیدیوں کی ملاقات میں سیاسی گفتگو   پر  پابندی کو آئین  سے متصادم  قرار

اسلام آباد ہائی کورٹ نے جیل میں قیدیوں کی ملاقات میں سیاسی گفتگو پر پابندی کو آئین سے متصادم قرار دے دیا۔

عدالت عالیہ نے جیل میں قیدیوں کی ملاقات میں سیاسی گفتگو  پرپابندی کی شق کالعدم قرار دے دی۔

اسلام آباد ہائی کورٹ کے جسٹس سردار  اعجاز اسحاق خان نے شیر افضل مروت کی درخواست پر فیصلہ جاری کیا۔  فیصلے میں کہا گیا ہےکہ قیدیوں کی سیاسی گفتگو پر 'بلینکٹ پابندی'  آئین کی اظہار رائے کی آزادی کی  شقوں  سے  متصادم  ہے۔

رپورٹ کے مطابق  عمران خان کی سیاسی رہنماؤں سے ملاقاتوں پرپابندی کی وجہ جیل رولز کی یہ شق بتائی گئی تھی جس کے بعد شیر افضل مروت کی جانب سے دائر درخواست میں  جیل رولز کی شق265 کالعدم قرار دینے کی استدعا کی گئی تھی۔