شام:ائیر پورٹ بندہونے سے 250 سے زائد پاکستانی زائرین پھنس گئے

شام کے باغی گروہ حیات التحریر الشام کی جانب سے  شام پر قبضے کے بعد ملک بھر کے ایئر پورٹس بند  کر دیئے گئے ہیں جس کے باعث سینکڑوں پاکستانی زائرین شام میں پھنس گئے۔
میڈیا ذرائع کے مطابق ائیر پورٹ بند ہونے کے باعث شام میں تقریباً 250 پاکستانی زائرین پھنس کر رہ گئے ہیں۔
کنٹری ہیڈ شام ونگز طارق سمیع اللہ کا کہنا ہے کہ باغیوں نے ملک پر قبضے کے بعد ائیر پورٹ بند کر دیا ہے، انہوں نے مزید بتایا  کہ ہماری آج لاہور کو روانہ ہونے والی  پرواز منسوخ ہوئی ہے ، 11 دسمبر کی کراچی کیلئے فلائٹ بھی منسوخ کر دی گئی ہے۔
واضح رہے کہ شام کے باغی گروہ کے دارالحکومت پر قبضہ کرنے کے بعد شامی  بشار الاسد کے ملک سے فرار ہو گئے ہیں، جس کے  بعد باغی ملیشیا حیات التحریر الشام نے سرکاری عمارتوں اور ائیر پورٹس کا کنٹرول سبنھال لیا ہے۔