بلوچستان:تعلیمی اداروں میں سردیوں کی طویل اور مختصر تعطیلات کا اعلان

محکمہ تعلیم بلوچستان نے صوبے کے تعلیمی اداروں میں تعطیلات کا اعلان کردیا۔

صوبائی محکمہ تعلیم  کی جانب سے جاری کر دہ  نوٹیفکیشن کے مطابق سرد علاقوں کی طویل تعطیلات 16 دسمبر 2024 تا 28 فروری 2025 تک ہوں گی،جبکہ گرم علاقوں کی مختصر تعطیلات یکم جنوری 2025 تا 10 جنوری 2025 تک ہوں گی۔ 

بلوچستان کے سرد علاقوں کے تعلیمی اداروں میں موسم سرما کی تعطیلات پیر سے شروع ہوں گی اور اڑھائی ماہ بعد تعلیمی ادارے یکم مارچ سے دوبارہ کھل جائیں گے۔

محکمہ تعلیم بلوچستان نے سرکاری و نجی  سکولوں میں رزلٹ کا بھی اعلان کر دیا ہے، آج سے بلوچستان یونیورسٹی میں موسم سرما کی تعطیلات کا آغاز ہو گیا ہے۔