ڈاکٹر ذاکر نائیک کی دریائے نیل   میں کودنے کی ویڈیو وائرل

بھارت کے معروف مذہبی اسکالر ڈاکٹر ذاکر نائیک کی دریائے نیل میں کودنے کی ویڈیو سوشل میڈیا پر وائرل ہوگئی۔

ڈاکٹر ذاکر نائیک نے 165 فٹ کی بلندی سے چھلانگ لگائی جس کی تصاویر اور ویڈیوز سوشل میڈیا پر وائرل ہورہی ہیں۔

ذاکر نائیک نے بپھری موجوں پر بیٹے کے ساتھ ریور رافٹنگ کا شوق بھی پورا کیا۔

ان دنوں ڈاکٹر ذاکر نائیک یوگنڈا کا دورہ کررہے ہیں، جہاں وہ مختلف شہروں میں اجتماعات سے خطاب کریں گے۔

سوشل میڈیا پر شیئر کی گئی تصاویر میں ڈاکٹر ذاکر نائیک کو اس دل دہلادینے والے معرکے کی تیاری کرتے، خطرناک چھلانگ لگانے اور نیل کے بہتے پانیوں کے اوپر ہوا میں معلق دیکھا جا سکتا ہے۔

ڈاکٹر ذاکر نے بیٹے اور اپنے اسٹاف کے ہمراہ تاریخی دریائے نیل میں تیراکی کرنے اور اسی دریا کے کنارے واقع سیاحتی مقام پر چھلانگ لگانے کی ویڈیوز اور تصاویر بھی شیئر کیں۔

واضح رہے کہ ذاکر نائیک آج کل یوگنڈا کے سرکاری دورے پر ہیں، جہاں مختلف شہروں میں مذہبی اجتماعات و تقریبات سے خطاب کریں گے۔