وفاقی کابینہ میں توسیع ،حکومت کاطارق فضل چوہدری ، حنیف عباسی اور طلال چوہدری کو وزیر بنانے کا فیصلہ

اسلام آباد:حکومت نے وفاقی کابینہ میں توسیع کا فیصلہ کر لیا۔
ذرائع کے مطابق ڈاکٹر طارق فضل چودھری، حنیف عباسی، طلال چوہدری کو وفاقی وزیر بنایا جائے گا، ڈاکٹر توقیر شاہ کو وزیراعظم شہباز شریف کا مشیر لگائے جانے کا امکان ہے۔
 اس سلسلے میں وزیراعظم شہباز شریف نے ضروری صلاح مشورے مکمل کر لیے ہیں۔
ذرائع نے مزید بتایا کہ تینوں وزراء اور مشیر کی کل پیر کے روز حلف برداری ہونے کا امکان ہے۔
واضح رہے کہ وفاقی کابینہ فی الوقت 18 ارکان پر مشتمل ہے جبکہ حکومت کے قلمدانوں کی مجموعی تعداد 33 ہے۔ دو وزرائے مملکت ، تین خصوصی معاونین اور ایک مشیر وفاقی حکومت کا حصہ ہیں۔