برازیلین ماڈل جولیانا آئسن کی ناک پر کتے نے کاٹ لیا

برازیل سے تعلق رکھنے والی  ماڈل جولیانا آئسن کی ناک پر کتے نے کاٹ لیا۔
غیر ملکی خبر رساں ادارے کے مطابق 39 سالہ جولیانا کتے پالنے کی شوقین ہیں، ان کے ساتھ خوفناک واقعہ نیوائیر نائٹ کے موقع  پر میکسیکو سٹی میں پیش آیا جہاں جولیانا کی نیوائیر نائٹ خوفناک حادثے میں بدل گئی۔
کتے نے جولیانا کے ہاتھ اور ناک کی نوک کو کاٹ لیا تھا، جس کے بعد انھیں شہر کے اینجلس ہسپتال لے جایا گیا، جہاں ان کی 2گھنٹے تک سرجری کی گئی۔
 برازیلین ماڈل کوکتے کے کاٹنے کی وجہ سے بیکٹیریل انفیکشن کا شکا ر بھی ہوئیں۔
جولیانا نے اپنی انسٹاگرام پوسٹ میں اپنے 2.5 ملین فالوورز کو اس واقعے سے آگاہ کرتے ہوئے بتایا کہ’اکیتا نامی کتے نے میری ناک پر  اتنی زور سے کاٹا کہ مجھے لگا کہ  میں اپنا چہر ہ کھودوں گی لیکن شکر ہے پلاسٹک سرجری سے اب  میرے چہرے پر کوئی نشان نہیں پڑے گا، ڈاکٹرز  نے  میری ناک کی پوری سرجری کی ہے۔

واضح رہے کہ جولیانا آئسن نے 2015 میں برازیل کے اس  وقت کے صدر دلما روسیف کے خلاف برہنہ ہوکر احتجاج کیا تھا جس کی وجہ سے انہوں نے شہرت حاصل کی۔