وزیر خزانہ اورنگزیب ہانگ کانگ روانہ

وزیرخزانہ محمداورنگزیب آج (ہفتہ کو )ہانگ کانگ روانہ ہوئے جہاں وہ اٹھارویں ایشیائی مالیاتی فورم میں پاکستان کی نمائندگی کریں گے۔

وہ اس دورے میں بڑ ے ایشیائی مالیاتی اداروں کے سربراہوں اور اعلیٰ عہدیداروں سے ملاقاتیں کریں گے۔

وہ چینی اور دوسرے غیر ملکی عہدیداروں' مالیاتی شعبے کے ماہرین ' پیشہ وارانہ ماہرین' سرمایہ کاروں اور سرکردہ تاجروں سے ملاقاتیں کریں گے ، وزیرخزانہ چائنا انٹرنیشنل کیپٹل کارپوریشن لمیٹڈ' چائنا نیو انرجی سکائی ریل لمیٹڈ اور ایشین انفراسٹرکچر انویسٹمنٹ بنک کے سربراہوں سے ملاقاتیں کریں گے۔

محمد اورنگزیب بلوم برگ اور دوسرے ذرائع ابلاغ کے نمائندوں کو انٹرویو بھی دیں گے۔

ایشین فنانشل فورم عالمی معیشت پر ایشیائی نقطہ نظر سے اثر انداز ہونے والے اہم مسئلوں کے بارے میں صلاح مشورہ اور ان کا حل تلاش کرنے کااہم ذریعہ ہے۔