ڈی چوک احتجاج ؛عدالت نے 30 ملزمان کی درخواست ضمانت خارج کر دی

اسلام آباد:اسلام آباد کی عدالت نے 26 نومبر کوڈی چوک میں ہونے والےپاکستان تحریک انصاف کے احتجاج پر درج مقدمات میں 30 ملزمان کی درخواست ضمانت خارج کردی۔
کیس کی سماعت اسلام آباد کی ڈسٹرکٹ اینڈ سیشن کورٹس کے ایڈیشنل ڈسٹرکٹ اینڈ سیشن جج محمد افصل مجوکا نےکی ،دوران سماعت ایڈیشنل جج نے 26 نومبر احتجاج کے حوالے سے ضمانت کی درخواست پر محفوظ شدہ فیصلہ سنایا۔
 عدالت نے تھانہ رمنا کے مقدمے میں گرفتار 30 ملزمان کی ضمانت بعد از گرفتاری کی درخواست خارج کردی۔
عدالت کی جانب  سے وکلاء صفائی اور پراسکیوشن کے دلائل مکمل ہونے پر ہفتے کو فیصلہ محفوظ کیا  تھا۔