بلاول بھٹو کی وفاقی کابینہ میں شمولیت کی تردید

چیئرمین پیپلز پارٹی بلاول بھٹو زرداری نے اپنی پارٹی کی وفاقی کابینہ میں شمولیت کی تردید کردی۔
اسلام آباد میں میڈیا سے گفتگو کرتے ہوئے چیئرمین پیپلز پارٹی بلاول بھٹو زرداری کا وفاقی کابینہ کا حصہ بننے سے متعلق سوال پر کہنا تھا کابینہ کا حصہ نہیں بن رہے ۔

بلاول بھٹو نے کہاکہ پاکستان کی خارجہ پالیسی اپنی جگہ قائم و دائم ہے، پاکستان کے نیوکلیئر اثاثے اور میزائل ٹیکنالوجی ذوالفقار بھٹو کا تحفہ اور بےنظیر بھٹو کی امانت ہے۔

انہوں نے کہاکہ 26 ویں آئینی ترمیم پارلیمنٹ کےسوا کوئی بھی ختم نہیں کرسکتا، بینچ آئینی ہو یا سپریم کورٹ کا،دونوں کو آئین و قانون کو ماننا ہوگا۔

ان کا کہنا تھاکہ سپریم کورٹ میں کوئی جج عہدے پر آئے تو دوسرے ججز کو آسانیاں پیدا کرنی چاہئیں،مشکلات نہیں،26 ویں آئینی ترمیم کا معاملہ نہیں اب یہ روایت بن چکی ہے، 26 ویں ترمیم کےرول بیک کا اختیار صرف پارلیمان کو ہے،کوئی اور ادارہ آئین کو رول بیک کرےگا تو اسے نہ ہم مانیں گےنہ کوئی اور تسلیم کرے گا۔