چینی سفیر کی نائب وزیراعظم اسحاق ڈار سے ملاقات ، دوطرفہ تعلقات پر تبادلہ خیال

پاکستان میں چین کے سفیر جیانگ زائی ڈونگ نے اسلام آباد میں نائب وزیراعظم اسحاق ڈار سے ملاقات کی اور دوطرفہ تعلقات پر تبادلہ خیال کیا۔

انہوں نے ملاقات کے دوران سی پیک ٹو پر ہونے والی پیشرفت کا جائزہ لیا جو اقتصادی تعاون اور علاقائی روابط کے فروغ کے لئے اہم منصوبہ ہے۔

فریقین نے پاک چین سدا بہار تزویراتی شراکت داری کا حوالہ دیتے ہوئے دوطرفہ تعلقات کو نئی بلندیوں تک پہنچانے اور اپنا تزویراتی اشتراک عمل مزید مضبوط بنانے کا عزم ظاہر کیا۔