آصف زرداری کے طبی معائنے کی رپورٹس آگئیں

تفصیلات کے مطابق آصف زرداری کو کمر میں شدید تکلیف ہے،سابق صدر کے مہروں میں کھنچاؤ اور تکلیف ہے،معالجین نے آصف زرداری کو مزید چند روز اسپتال میں رکھنے کا فیصلہ کیا ہے۔

ذرائع کے مطابق آرتھوپیڈک سرجن کی تجویز پر مزید کچھ ٹیسٹ کیے جائیں گے۔آصف علی زرداری کے بلند فشار خون،ذیابیطس اور دل کے بھی کچھ ٹیسٹ کیےگئے ہیں۔آرتھوپیڈک سرجن کی زیر نگرانی ٹیم آصف علی زرداری کےعلاج پر مامور ہے۔

قبل ازیں   سابق صدر آصف علی زرداری کو  طبیعت ناساز ہونے  اور ڈاکٹرز کی ہدایت پر انہیں ہسپتال منتقل کردیا گیا  تھا۔ آصف علی زرداری کی طبعیت ناساز ہونے کے باعث  بلاول بھٹو زرداری اسلام آباد سے کراچی  پہنچ گئے ہیں جبکہ بختاور بھٹو زرداری خاوند کے ساتھ دبئی سے کراچی پہنچی گئی ہیں ۔