چیئرمین جوائنٹ چیفس آف اسٹاف کمیٹی اور سروسز چیفس کی قوم کوعید کی مبارکباد

چیئرمین جوائنٹ چیفس آف اسٹاف کمیٹی اور سروسز چیفس نے قوم کو دلی عید مبارک کہتے ہوئے کہا کہ رمضان المبارک کے اختتام پر منائی جانے والی عیدالفطر اتحاد اور شکر گزاری کی علامت ہے۔

پاک فوج کے شعبہ تعلقات عامہ (آئی ایس پی آر) کے مطابق عسکری قیادت کی جانب سے جاری بیان میں کہا گیا کہ ہمارے سپاہیوں کے لیے عید کا اصل جوہر قوم کے دفاع کے اعزاز میں مجسم ہے، جو اپنے خاندانوں سے دور رہ کر ملک میں امن اور ہم آہنگی کے فروغ کے لیے کوشاں ہیں۔

عسکری قیادت نے کہا کہ یہ مبارک دن ہمیں قومی ہیروز کی غیرمتزلزل بہادری پر غور کرنے کا موقع فراہم کرتا ہے، جن کی قربانیوں کی دل کی گہرائیوں سے قدر کی جاتی ہے۔

مسلح افواج کے بہادر مرد و خواتین ملک کی آزادی اور خودمختاری کی حفاظت کے لیے دن رات مصروف عمل ہیں۔پاک افواج نے تمام شہریوں سے اپیل کی کہ وہ محبت کے جھنڈے تلے متحد رہیں اور قومی یکجہتی کو فروغ دیں۔