بانی پی ٹی آئی سیکیورٹی وجوہات کے باعث عید کی نماز ادا نہ کر سکے

روالپنڈی: اڈیالہ جیل میں قید پاکستان تحریک انصاف کے بانی چئیرمین عمران خان سیکیورٹی وجوہات کی بنا پر عید کی نماز ادا نہیں کرسکے۔
تفصیلات کے مطابق اڈیالہ جیل کی مرکزی جامع مسجد میں عید کی نماز ادا کی گئی، تاہم بانی پی ٹی آئی سیکیورٹی وجوہات کی وجہ سے عید کی نماز نہ ادا کر سکے۔
 قیدیوں، حوالاتیوں اور جیل افسران نے نماز عید میں شرکت کی، عمران خان اور بشریٰ بی بی اپنے اپنے سیل میں رہے۔
پولیس کی ڈیوٹی تین شفٹوں میں جاری رہے گی، اور ایس پی صدر نبیل کھوکھر کو براہ راست نگران مقرر کیا گیا ہے۔
اطلاعات کے مطابق جیل کے باہر ممکنہ احتجاج کے پیش نظر تعینات پولیس کو ریزرو فورس کی مدد حاصل ہوگی، جبکہ اہلکاروں کو اینٹی رائیٹ سامان سے بھی لیس کیا گیا ہے۔